U dzień śmierci Navalny paśpieŭ adpravić mamie svajoj žonki paštoŭku ź vinšavańniem ź jubilejem
Siońnia 40 dzion z času hibieli Alaksieja Navalnaha. Na jaho mahiłu pryjšli maci Alaksieja i Julii.
Ała Uładzimiraŭna i Ludmiła Ivanaŭna padziakavali tym, chto praciahvaje nieści kvietki i płakaty na Barysaŭskija mohiłki ŭ Maskvie, piša «Mieduza».
«U hetyja strašnyja dni ŭ mianie byŭ jubilej, — raspaviadaje maci Julii. —
9-ha, paśla panichidy, kali ja pryjšła dadomu, ja adkryła paštovuju skryniu, a tam — paštoŭka ad Alaksieja ź vinšavańniem z maim jubilejem. Heta było ŭžo 9 sakavika, a adpraŭlena jana była jakraz 16 lutaha [dzień śmierci — NN].
I tam stolki ciopłych, stolki dalikatnych słoŭ, jakich ja nie atrymlivała nikoli ni ad kaho ŭ žyćci <…> Viadoma hetaja paštoŭka zaŭsiody budzie sa mnoj», — raspaviała mama Julii Navalnaj, Ała Uładzimiraŭna.
Maci Alaksieja i Julii padziakavali ŭsim, chto praciahvaje prychodzić na mahiłu palityka.
«Tolki vaša padtrymka nam dapamahaje», — skazali jany.
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary