Šajhu paviedamiŭ pra hrandyjoznyja płany, jakija niemahčyma realizavać biez maštabnaj mabilizacyi
20 sakavika na kalehii rasijskaha Minabarony ministr Siarhiej Šajhu zajaviŭ pra płany pa farmavańni da kanca hoda «dźviuch ahulnavajskovych armij i 30 złučeńniaŭ, ź ich 14 dyvizij i 16 bryhad». Ale takija płany niemahčyma realizavać biez masavaj mabilizacyi, śćviardžaje ŭ kamientary vydańniu «Ahientstvo» vajskovy ekśpiert Juryj Fiodaraŭ. Bo pry standartnaj kolkaści złučeńniaŭ dadatkova nabrać u vojska pryjdziecca bolš za 200 tysiač čałaviek.
U ciapierašnim rasijskim vojsku prosta niama nieabchodnaj kolkaści ludziej dla farmavańnia hetych złučeńniaŭ, padkreślivaje Fiodaraŭ.
«Motastrałkovaja dyvizija poŭnaha składu — heta try pałki pa 2-2,5 tysiačy čałaviek, plus tankavy połk, plus masa ŭsiaho inšaha, naprykład, artyleryjski dyvizijon abo artyleryjski połk. Uvohule, heta dzieści kala 10 tysiač čałaviek. Motastrałkovaja bryhada — heta 4,5 tysiačy čałaviek. Z hetych dyvizij i bryhad možna skanstrujavać dźvie armii. A ludziej dla hetaha niama, za vyklučeńniem taho vypadku, kali Rasija abvieścić mabilizacyju», — skazaŭ ekśpiert.
Pavodle jaho padlikaŭ, dla farmavańnia dźviuch armij spatrebicca nabrać bolš za 200 tysiač čałaviek.
Realizacyju płana Minabarony abciažaryć i adsutnaść aficeraŭ, miarkuje Fiodaraŭ.
«Pravioŭšy mabilizacyju, Minabarony atrymaje nienavučany natoŭp u 200-250 tysiač čałaviek. Na kožnych 10 šarahoŭcaŭ patrebien aficer. Aficeraŭ tak prosta pryzvać niemahčyma. Na ich navučańnie patrabujecca šmat času. Adkul ich buduć brać i jak rychtavać, nichto nie viedaje», — skazaŭ ekśpiert.
Ahučanyja Šajhu płany pavyšajuć ryzyku taho, što dadatkovy nabor mabilizavanych pačniecca letam ci vosieńniu, skazaŭ «Ahientstvu» kiraŭnik antyvajennaha prajekta «Idzicie lesam» Ryhor Śviardlin.
«Jašče da hetaj zajavy my z kalehami prahnazavali, što paśla vybaraŭ, ale da kanca hoda, mabilizacyju aktyvizujuć. Pavodle našych acenak, jana naŭrad ci budzie takoj ža aktyŭnaj, jak uvosień 2022 hoda, ale dumaju, što 100-150 tysiač čałaviek Minabarony pasprabuje mabilizavać. Kantraktnikaŭ, vidavočna, nie chapaje, tamu padpisvać kantrakty terminovaj słužby prymušajuć ź pieršaha ž dnia słužby, ale dla papaŭnieńnia vojska tych, chto padpisvaje kantrakt, niedastatkova», — miarkuje Śviardlin.
Toje, što paśla vybaraŭ Rasija moža pačać novy nastup va Ukrainie, dapuskajuć taksama ŭkrainskija ŭłady i NATA. I jany taksama miarkujuć, što dla hetaha spatrebicca bolš aktyŭnaja mabilizacyja.
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary