Da biełarusa, jakoha vinavaciać u teraktach na BAMie, nie puskajuć advakata
Da zatrymanaha za padryŭ dvuch ciahnikoŭ na BAMie biełarusa Siarhieja Jeramiejeva nie puskajuć advakata. Jeramiejeva trymajuć u maskoŭskim SIZA «Lefortava». Pra heta paviedamiŭ suzasnavalnik «Bajchełp» Alaksiej Lavončyk.
Jak piša Lavončyk, advakatku da Jeramiejeva nie puskajuć jaki ŭžo raz, spasyłajučysia na nieabchodnaść dazvołu śledčaha, što parušaje rasijskaje zakanadaŭstva. Imia śledčaha nie dajuć.
«Sprabujem atrymać spravu — advakat atrymlivaje admovu, bo treba damova ab abaronie ad svajakoŭ (taksama łuchta, bo advakata moža naniać luby čałaviek). Ci treba dazvoł ad śledčaha, kab atrymać spravu ŭ sudzie.
Sudu. Patrebny. Dazvoł. Śledčaha. Kab. Pahladzieć. Imia. Śledčaha. Ničo, narmalnaja biełaruskaja historyja», — piša Lavončyk.
Na jaho dumku, adzinaja pryčyna, jakaja tamu moža być — prymusić čałavieka ŭ izalacyi pryznać svaju vinu z farmalnaj prysutnaściu pryznačanaha dziaržaŭnaha advakata.
«My budziem sprabavać inšyja šlachi. Jany jość», — dadaŭ Lavončyk.
Unačy z 29 na 30 listapada na pierahonie Itykit-Akusikan Uschodnie-Sibirskaj čyhunki, padčas ruchu pa Paŭnočnamujskim tuneli (jaho daŭžynia 15 kiłamietraŭ) zahareŭsia vahon hruzavoha ciahnika, jaki pieravoziŭ paliva (u tym liku avijacyjnaje) i kalarovyja mietały.
Paźniej u Paŭnočnamujskim tuneli na Bajkała-Amurskaj mahistrali zahareŭsia jašče adzin sastaŭ z hruzam.
Była zaviedziena kryminalnaja sprava za terakt.
7 śniežnia FSB Rasii zajaviła, što za padryŭ ciahnikoŭ na BAMie zatrymany biełarus Siarhiej Jeramiejeŭ. Jon pracavaŭ na «Naftanie» i dałučyŭsia da stački ŭ 2020-m.
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ3
Kamientary