Urad Livana abviaściŭ «Chiezbału» pa-za zakonam i prapanavaŭ Izrailu pieramovy
Biejrut aficyjna zabaraniŭ lubuju ŭzbrojenuju dziejnaść hrupoŭki «Chiezbała» na terytoryi krainy i zajaviŭ pra hatoŭnaść da dypłamatyčnaha dyjałohu ź Izrailem pry mižnarodnaj padtrymcy.
Livan vykazaŭ namier adnavić dyjałoh ź Izrailem pry padtrymcy mižnarodnych pasiarednikaŭ i z udziełam cyvilnych ekśpiertaŭ. Taksama Biejrut aficyjna zabaraniŭ lubuju ŭzbrojenuju dziejnaść hrupoŭki «Chiezbała».
Hetyja kroki nakiravanyja na vykanańnie ŭmoŭ pieramirja i spynieńnie maštabnaj eskałacyi ŭ rehijonie.
Rašeńnie Biejruta było ahučana paśla taho, jak izrailskija VPS i VMS nanieśli masiravanyja ŭdary pa dziasiatkach kamandnych punktaŭ «Chiezbały», bolšaść ź jakich znachodziłasia ŭ pryharadach livanskaj stalicy.
Izrail nazvaŭ ataku adkazam na načnyja rakietnyja abstreły svaich paŭnočnych terytoryj. Ciapierašniaja inicyjatyva livanskaha ŭrada razhladajecca jak sproba spynić bajavyja dziejańni i viarnuć kantrol nad biaśpiekaj u krainie ŭ ruki aficyjnaj armii.
«Chiezbała» — heta mahutnaja šyickaja arhanizacyja i vajenizavanaja hrupa, jakaja karystajecca značnaj padtrymkaj Irana i doŭhi čas kantralavała poŭdzień Livana niezaležna ad aficyjnych uładaŭ. U mnohich krainach śvietu jana pryznanaja terarystyčnaj arhanizacyjaj. «Chiezbała» prapahanduje i praktykuje vajenny džychad, vystupaje za źniščeńnie Izraila.
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy23
Kamientary