Nastaŭnica chimii ŭ Minsku samastojna razabrałasia z pažaram u škole
Nichto nie paciarpieŭ, usiaho z budynka škoły evakujavali 821 čałavieka.
Učora ŭ škole №218 imia Jeŭfrasińni Połackaj, što ŭ Malinaŭcy na vulicy Jasienina, pačaŭsia pažar. U škołu adpravilisia supracoŭniki MNS, adnak nastaŭniki pakinuli ratavalnikaŭ biez pracy.
Jak vyśvietliłasia, u adnym z pamiaškańniaŭ adbyłosia zaharańnie. Dym chutka raspaŭsiudziŭsia pa kalidorach, što mahło stać pryčynaj trahiedyi. Paźbiehnuć surjoznych nastupstvaŭ dapamahła zładžanaja praca piedahohaŭ.
Jašče da prybyćcia MNS nastaŭniki arhanizavali evakuacyju i vyvieli na vulicu 772 vučniaŭ. Paśla hetaha nastaŭnica chimii ŭziała paraškovy vohnietušyciel i samastojna razabrałasia z połymiem, piša Tochka.by.
«Ja razumieła, što niedzie haryć dreva i heta nie zamykańnie. Ja razumieła, što paraškovy ahnietušyciel padychodzić, i ja patušyła pažar», — kaža na videa Śviatłana Mamonava.
Nichto nie paciarpieŭ, usiaho z budynka škoły evakujavali 821 čałavieka, a supracoŭniki MNS vyśviatlajuć pryčynu ŭzharańnia.
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii16
Kamientary