Hulec BATE paśla hoła pabieh śviatkavać da treniera supiernikaŭ. Što było dalej?
Tryler u čverćfinale Kubka Biełarusi pa futbole.
U niadzielu minskaje «Dynama» prymała doma barysaŭski BATE ŭ ramkach matča ŭ adkaz 1/4-finału Kubka Biełarusi pa futbole. Pieršaja hulnia skončyłasia minimalnaj pieramohaj minčukoŭ.
Lik adkryŭ futbalist žoŭta-błakitnych Aleh Nikifarenka. Paśla zabitaha miača jon pabieh śviatkavać da łaŭki «Dynama» i asabista da treniera Vadzima Skrypčanki.
Emocyi Nikifarenki źviazanyja z tym, što letaś jon hulaŭ za «Dynama» i byŭ vymušany pakinuć kłub praz kanflikt z hałoŭnym trenieram.
Demarš maładoha futbalista ledź nie pryvioŭ da bojki na poli.
Asnoŭny čas hulni skončyŭsia ź likam 2-3 na karyść BATE, što pieraviało jaje ŭ ekstratajmy (3-3 pa sumie dźviuch sustreč). U sieryi pienalci bolš paśpiachovymi akazalisia hulcy «Dynama». Adziny 11-mietrovy nie realizavaŭ Aleh Nikifarenka.
BATE ŭpieršyniu z 1999 hoda nie prabiŭsia ŭ kvalifikacyju jeŭrakubkaŭ.
Kamientary