Łukašenka nazvaŭ vystupy biełaruskich futbalistaŭ ničoha nie vartymi
Alaksandr Łukašenka siońnia abmiarkoŭvaje situacyju ŭ biełaruskim futbole. Jon daručyŭ u najbližejšy čas navieści paradak u spartyŭnych kłubach.
«Ja vas zaprasiŭ dla taho, kab pahavaryć pra situacyju, jakaja składvajecca ŭ našaj spartyŭnaj supolnaści i pierš za ŭsio ŭ halinie futboła. Samy masavy vid sportu, samy lubimy vid sportu siarod našaha nasielnictva. I taki vid sportu, jakim možna zajmacca ŭ luby čas sutak u Biełarusi i ŭ lubych pahodnych umovach, — piša BiełTA. — U cełym, kali aceńvać našy spartyŭnyja dasiahnieńni, jany ničoha nie vartyja. Pry tych układańniach i tych kłopatach dziaržavy, jakija my akazvajem sportu».
«Vy atrymlivajecie niejkija prefierencyi. Paradak treba navieści na praciahu bližejšaha času — u pieršym kvartale (hetaha hoda). Nichto nie pavinien atrymlivać nijakich šalonych hrošaj. U advarotnym vypadku vy budziecie ŭsie pazbaŭlenyja lhot. Kłuby na svaich čynoŭnikaŭ i inšych nabližanych pavinny zarablać hrošy sami. Chaj iduć i prosiać u sponsaraŭ. A tak u nas dziaržava źjaŭlajecca asnoŭnym sponsaram», — zaŭvažyŭ jon.
Na dakład zaprošany vice-premjer Ihar Pietryšenka, ministr sportu i turyzmu Siarhiej Kavalčuk, prezident Nacyjanalnaha alimpijskaha kamiteta Viktar Łukašenka, staršynia Biełaruskaj fiederacyi futboła Mikałaj Šarstnioŭ i člen Savieta Respubliki Dźmitryj Baskaŭ.
Varta zaznačyć, što biełaruskija kłuby apošni raz prabivalisia ŭ hrupavy raŭnd jeŭrakubkaŭ uletku 2018 hoda.
U turniry «Liha nacyj» dyvizijona S zbornaja zaniała apošniaje miesca. U adboračnym turniry da čempijanatu Jeŭropy 2024 hoda finišavała čaćviortaj z šaści kłubaŭ. Naohuł za 30-hadovuju historyju mužčynskaja zbornaja Biełarusi ni razu nie prabivałasia ŭ finalnyja stadyi čempijanataŭ Jeŭropy i śvietu, choć tam paśpieli pahulać i Isłandyja, i Ałbanija, i Finlandyja.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza13
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary
nadoiriezultaty, inačie budiet kak v chokkieje, kotoryj podnimať s kolen na karački otpravili posłušnoho hriebca, tolko zdieś, vidimo, chokkieista Baskova postaviat zaviedovať futbołom, potomu čto v chokkieje on užie posrałsia s russkimi. Ili jeho sdiełajut ministrom sporta, a ministra Kovalčuka otpraviat na futboł...