Zialenski: Pucin całkam kiruje siłavym błokam na terytoryi Biełarusi
Prezident Ukrainy nazvaŭ Biełaruś «dypłamatyčna akupavanaj».
U intervju telekanału Rai 1 Zialenski adznačyŭ, što Pucin zacikaŭleny zrujnavać całkam Ukrainu, dałučyć hetyja ziemli da Rasii. «Jon takija rečy robić abo siłaju, zbrojaj, abo palityčna».
«Toje, što jon zrabiŭ u Biełarusi — heta biez achviaraŭ i kryvi, heta pakul što. To-bok jany sajuźnickija ŭłady, dzie jon całkam kiruje i siłavym błokam na terytoryi Biełarusi, i vojskami na terytoryi Biełarusi», — zajaviŭ Zialenski.
Jon zhadaŭ napad na Ukrainu 24 lutaha 2022 hoda z terytoryi Biełarusi. I nazvaŭ toje, što adbyvajecca ź Biełaruśsiu «dypłamatyčnaj akupacyjaj niezaležnaj krainy i strataj suvierenitetu».
Zialenski dadaŭ, što va Ukrainie Pucin taksama raniej šukaŭ mahčymaści ŭpłyvać na parłamient znutry, ale paśla taho, jak heta nie ŭdałosia, jon pačaŭ akupacyju vajskovuju.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?1
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1717
Kamientary