Na miažy z Polščaj znoŭ pačali źbiracca vialikija čerhi z aŭtobusaŭ
Situacyja źmianiłasia za apošni tydzień.
Ad ranicy niadzieli čerhi z aŭtobusaŭ na miažy z Polščaj nie źnikajuć. Pikavyja pakazčyki zafiksavanyja a 16-j hadzinie 4 sakavika. Tady vyjezdu ź Biełarusi čakali adrazu 30 aŭtobusaŭ i maršrutak.
Ciaham apošnich dvuch sutak u čarzie staić ad 11 da 22 aŭtobusaŭ.
Na pačatku minułaha tydnia ŭ budnyja dni čerhaŭ zvyčajna nie było. U pikavyja hadziny pierad punktam propusku «Brest» źbirałasia ad 2 da 5 aŭtobusaŭ. Maksimalny pakazčyk na minułym tydni da zakryćcia dvuch punktaŭ propusku na miažy ź Litvoj — 8 aŭtobusaŭ.
Dvuma tydniami raniej asablivych čerhaŭ taksama nie nazirałasia. U pieryjad z 19 pa 23 lutaha maksimalnaja čarha składała 10 aŭtobusaŭ. Pry hetym u niekatoryja hadziny prajezd byŭ svabodny.
Toje ž było i miesiacam raniej.
Rost čerhaŭ na miažy z Polščy abumoŭleny tym, što paśla zakryćcia Litvoj punktaŭ propusku «Katłoŭka» i, samaje hałoŭnaje, «Pryvałka» častka aŭtobusaŭ i maršrutak, jakija jechali ŭ Polšču praź Litvu, byli vymušanyja skiravać maršrut praz «Brest». Jaki ŭ svaju čarhu zastajecca adzinym dziejnym punktam propusku na miažy z Polščaj, pryznačanym dla pasažyrskaha ruchu.
Čytajcie taksama:
Jak źmianiłasia prapusknaja zdolnaść na miažy ź Litvoj paśla zakryćcia dvuch punktaŭ propusku
Jak ciapier dabracca z Hrodna ŭ Druskieniki na maršrutcy
«Mnohija spadziajucca na chutkaje adkryćcio «Bruzhoŭ». Što kažuć hrodziency pra žyćcio ŭ «abłozie»
Kamientary