Kamanda Niechta zapuściła sajt, pieravažna raźličany na rasijskuju aŭdytoryju?
Redakcyja NEXTA paviedamiła, što zapuskaje svoj sajt. «Na im budzie šmat ekskluziŭnaha kantentu, prafiesijnaj analityki i vostraj publicystyki», — zavablivajuć čytačoŭ u anonsie. Praŭda, pry pierachodzie na sajt vyjaŭlajecca, što tam pakul niama miesca biełaruskim navinam. Heta metanakiravanaja palityka?
U sajta dźvie viersii — ruskamoŭnaja i anhłamoŭnaja. Bolšaść navinaŭ pryśviečanyja tamu, što adbyvajecca ŭ śviecie, z uporam na padziei va Ukrainie i Rasii, a siarod abaznačanych rubryk značycca bolš šyrokaja «Postsavieckaja prastora».
My spytali zasnavalnika Niechta Ściapana Puciłu, z čym źviazanaja takaja vybarka.
«Sajt funkcyjanuje ŭ ekśpierymientalnym režymie. Nasamreč, jon nakiravany pieradusim na anhłamoŭnuju aŭdytoryju. Pry zachodzie z Rasii i Biełarusi źjaŭlajecca šylda pra nieabchodnaść karystacca VPN. Naviny pra Biełaruś i pa-biełarusku taksama płanujucca: pakul što heta adziny siarod biełaruskich miedyja sajt, jaki funkcyjanuje całkam biez donarskaj padtrymki, tamu spačatku my vyvodzim jaho na manietyzacyju za košt pieravažna zamiežnaj aŭdytoryi, a paśla pašyrajem aŭdytoryju i adkryvajem u tym liku biełaruskuju viersiju», — prakamientavaŭ Puciła.
Jon dadaje, što kanał ź biełaruskimi navinami taksama jość — heta Niechta Plus na jutubie.
Pratasievič: Ja liču, što mnie pašancavała. Ja vybudavaŭ pravilnuju taktyku
Volha Łojka: Chto moh by vieści pieramovy pa palitviaźniach? Treba šukać vychad na ŭmoŭnaha Abramoviča
Rasija abviaściła ŭ vyšuk premjer-ministra Estonii, eks-meraŭ Vilni i Ryhi i niekalki biełarusaŭ, uklučna sa Ściapanam Puciłam
Kamientary