Volha Łojka: Chto moh by vieści pieramovy pa palitviaźniach? Treba šukać vychad na ŭmoŭnaha Abramoviča
Volha Łojka, byłaja palitźniavolenaja i hałoŭnaja redaktarka palityka-ekanamičnaha błoku navin na partale Tut.by, u vypusku «Tok» padzialiłasia svaim bačańniem mahčymaści vyzvaleńnia palitviaźniaŭ.
Volha Łojka pad čas razmovy. Skryn videa: TOK_talk / YouTube
Na dumku Volhi Łojka, u Biełarusi zastałosia šmat ludziej va ŭładzie, jakija razumiejuć, što hradus represij treba źnižać. Ale ich mahčymaści supracoŭnictva vielmi abmiežavanyja.
«Jany mohuć supracoŭničać ź ludźmi z pahonami, rabić staŭku na prapahandystaŭ ci na adekvatnych «biehłych». Jašče jość staŭka na ruskich. I ja bajusia, što hetaja staŭka pakul vyjhraje. My ciapier staim u kroku ad taho, kab stracić suvierenitet».
Na pohlad Volhi, ciapier nieabchodna siadać i damaŭlacca». Jana adznačaje:
«Ja nie baču ryzyk dla Łukašenki, kali zaraz jon vyzvalić usich palitviaźniaŭ. Ja nie vieru, što źjavicca niejkaja siła, jakaja jaho niekudy ssunie, źmiacie i hetak dalej».
Łojka zaŭvažaje, što šmat ludziej užo napisali na imia Łukašenki chadajnictvy ab pamiłavańni. «Davajcie my ich vypuścim, a na tuju častku, što zastaniecca, nacisnuć rodnyja. Tamu što dastatkova niekalki takich pazityŭnych kiejsaŭ, i ludzi adčujuć, što jość šaniec vyjści. Vyjści marać vielmi šmat».
Volha adznačaje, što taksama jość «žaleznyja siadzielcy». Jana ich vielmi pavažaje. Asabliva Statkieviča.
«Heta aficer, žalezny mužyk. Ale nielha paraŭnoŭvać šmatdzietnuju maci z kučaj balačak z aficeram, jaki ŭmieje siadzieć. Choć ja razumieju, što emacyjna jamu heta taksama vielmi ciažka dajecca».
Žurnalistka padkreślivaje, što nie bačyć nijakich ryzyk ad asłableńnia cisku, spynieńnia sadžańnia «niejkich prybiralščyc, manikiurš, ślesaraŭ».
«Ja nie baču niejkaha zdarovaha zaviaršeńnia hetaj situacyi ŭ vypadku, kali mašyna [represij] nie spynicca. Što my atrymajem? U Biełarusi zatrymali ŭsich čałaviek? Prykładna tak. Jon choča ŭpeŭnicca, što jaho lubiać? Nu tak nie robicca».
Što b chacieŭ atrymać Łukašenka ŭzamien na vyzvaleńnie palitviaźniaŭ
U roznyja momanty roznaje, razvažaje Volha.
«Jamu adnaznačna była cikavaja Alimpijada. Heta byŭ charošy punkt. Na žal, nas nie vielmi padtrymlivali. My spadziavalisia niekatoruju častku ludziej pad heta vyzvalić.
Jość harantyi asabistaj biaśpieki. Ale ciapier momant nie pryjšoŭ da hetaha».
Łojka ličyć, što jość šmat bolš drobnych pytańniaŭ kštałtu adnaŭleńnia mahčymaści pieravodaŭ pa sistemie SWIFT ci dazvołu na paloty:
«Pratasievič i Sapieha ŭžo na voli. Ad adsutnaści avijaznosin Łukašenka cierpić u mienšaj stupieni, čym zvyčajnyja biełarusy. Pryčym zamožnyja biełarusy mohuć latać, naprykład, praz Stambuł, a zvyčajnym ludziam stała našmat składaniej niekudy vybiracca. Tamu ja nie baču vialikaj prablemy ŭ tym, kab u abmien na niejkuju vialikuju hrupu ludziej pamiakčyć niekatoryja sankcyi».
Usim, chto pytajecca, jak možna handlavacca sankcyjami, Łojka adkazvaje: «Tavaryšy, jak kazaŭ [premjer-ministr] Hałoŭčanka, sankcyi — heta čverć ekanomiki Biełarusi. Jość tysiača pazicyj tavaraŭ, ź ich 250 pad sankcyjami. Ich pastaŭki zabaronieny. Nu niachaj ź ich zastaniecca 220. Heta ŭ lubym vypadku nie 100. Nijakaha embarha niama. Tavary iduć u tym liku i ŭ Jeŭrasajuz. Iduć zvarotnyja pastaŭki.
Kali my niedzie prasuniemsia pa niejkich kropkavych štukach, to ja nie baču ŭ hetym vialikaj biady, kali na konie nasamreč sotnia ciažkachvorych, starych, šmatdzietnych, niepaŭnaletnich. Ja nie razumieju, čamu našy ludzi nastolki cudoŭnyja, što jak tolki my zhadvajem mahčymaść za ich pahandlavacca, usie pačynajuć kryčać, što heta «zrada» i ŭvohule tut treba vykryć niejkich ahientaŭ».
Praz kaho mohuć iści pieramovy pa palitviaźniach
Łojka tłumačyć, što samy prosty šlach zrazumieć, jak i z kim vieści pieramovy ab vyzvaleńni palitviaźniaŭ, heta praanalizavać paśpiachovyja kiejsy tych, chto vyjšaŭ.
«Biehły analiz pakazvaje, što ŭ bolšaści hetych vypadkaŭ u jakaści pieramoŭščykaŭ byli ruskija. Niavažna, čynoŭniki ci biznesmieny. Treba šukać vychad na ich, umoŭnaha Abramoviča. U ich heta niejak atrymlivajecca, choć i nie prosta».
U jakaści prykładu Volha zhadvaje pieramovy pa «Azoŭstali»: «Chto vieryŭ, što hetyja ludzi mohuć vyjści? Heta vyhladała całkam niemahčymym. Sposaby ich śmiarotnaha pakarańnia abmiarkoŭvalisia ŭsimi partałami. Niedzie visielicu pačynali budavać dla publičnaha pakarańnia. I voś jany spačatku ŭ Turcyi, potym va Ukrainie».
Łojka adznačaje, što my nie možam paraŭnać nikoha z našych palitviaźniaŭ ni pa značnaści, ni pa niebiaśpiecy z «Azovam». «Što źmianiłasia? Hetyja tavaryšy, navat viarnuŭšysia va Ukrainu, navat na pole bitvy, niejak pahojdali šali i niejak pahražajuć Pucinu? Nie. Heta zvyčajny taki «dahavarniak», dastatkova miarzotny jak, i ŭsie dahavarniaki. Ale ludzi žyvyja, na svabodzie».
Ja nia viedaju kolki dypłomaŭ u hetaj spadaryni, ale pamiataju, u redakcyi nie biełaruskaha TUTbaju byli šypka hramainyja ź niekalkimi adukacyjami, u tym liku zachodnimi. Vidać mienavita apošnija dypłomy zaminali redaktaram TUTbaja, jaki tapiŭ za Zachad i źviardeńnia ŭłady u RB, to bok za revalucyju, a nie evalucyju, prahnazavać mahčymyja vyniki ŭ vypadku bčb projhryša-2020. Viedajučy siońnia jak vyhladajuć dumki źbiehłych u zamiežža paśla tych padziej (sudžu pa forumu NN) mahu skazać, što ŭłada ŭsio rabiła i robić pravilna, kab anty biełaruskaja, zachodniaja ci prazachodniaja reakcyja a-očień TUTbaju na Biełarusi nie źjaviłasia bolej nikoli. Voś i ŭsie pieramovy.
Taki da
13.02.2024
S kakich eto por profieśsija riedaktora nie priedpołahajet naličije uma? Do kakich por rozovyje poni budut nadiejaťsia na čudo? Čto pridiet niekij Abramovič i svobodit politzekov? Niet, ja by Olhie n jedovierił by dažie ochrańnikom rabotať. Za naivnosť.
Majstar ušu
13.02.2024
Vyzvaleńnie palitviaźniaŭ - nie ekanamičnaje, a palityčnaje pytańnie. Łukašenka nie źbirajecca anikoha vypuskać, pakul nie praviadzie "vybary" ŭ pałatku i prezidenckija.
Kamandujučym NATA staŭ hienierał Hrynkievič. Uražvaje, nakolki jon padobny da niekatorych Hrynkievičaŭ, jakija žyvuć u Biełarusi2323
Kamandujučym NATA staŭ hienierał Hrynkievič. Uražvaje, nakolki jon padobny da niekatorych Hrynkievičaŭ, jakija žyvuć u Biełarusi23
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia3232
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia32
Mužčyna pakazaŭ u internecie školny abied. Hramadskaść aburyłasia1212
Mužčyna pakazaŭ u internecie školny abied. Hramadskaść aburyłasia12
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Ludzi ad nas adviarnulisia». Žonka ŭładalnika pašparta prykryćcia Ivana Miščuka prakamientavała skandał ź im55
«Ludzi ad nas adviarnulisia». Žonka ŭładalnika pašparta prykryćcia Ivana Miščuka prakamientavała skandał ź im5
«U nas usie razmaŭlajuć na ruskaj movie». Dziciačy centr nie ŭziaŭ na pracu žančynu, bo jana razmaŭlaje pa-biełarusku3535
«U nas usie razmaŭlajuć na ruskaj movie». Dziciačy centr nie ŭziaŭ na pracu žančynu, bo jana razmaŭlaje pa-biełarusku35
«Raźjazdžalisia prosta pa tratuarach». Kala novaha stadyjona paśla matča adbyŭsia kałaps33
«Raźjazdžalisia prosta pa tratuarach». Kala novaha stadyjona paśla matča adbyŭsia kałaps3
Śpiecsłužby vychodziać na kantakt z aktyvistami praz fejsbuk: što viadoma i jak siabie abaranić11
Śpiecsłužby vychodziać na kantakt z aktyvistami praz fejsbuk: što viadoma i jak siabie abaranić1
Na terytoryi Biełarusi zabłakavali tyktok-kanały Cichanoŭskaj i Łatuški1515
Na terytoryi Biełarusi zabłakavali tyktok-kanały Cichanoŭskaj i Łatuški15
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi5454
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi54
Łatvija razvaročvaje pasažyrskija aŭtobusy i viartaje ich u Biełaruś. Voś u čym pryčyna1717
Łatvija razvaročvaje pasažyrskija aŭtobusy i viartaje ich u Biełaruś. Voś u čym pryčyna17
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219
U finskim sieryjale rasijanie vysadžvajuć desant z samalota «Biełavija». Što robiać Suomi?99
U finskim sieryjale rasijanie vysadžvajuć desant z samalota «Biełavija». Što robiać Suomi?9
Suśvietny bank prahnazuje najhoršaje dziesiacihodździe dla hłabalnaha rostu z 1960-ch hadoŭ22
Suśvietny bank prahnazuje najhoršaje dziesiacihodździe dla hłabalnaha rostu z 1960-ch hadoŭ2
Kamientary