U Oršy žančynu aštrafavali na 1200 rubloŭ za łajk pad karcinkaj sa śviečkaj. U jaje piensija 340 rubloŭ
60-hadovaja žycharka Oršy zapisała videa pra toje, što jaje aštrafavali «za raspaŭsiud ekstremizmu» na 1200 rubloŭ. Žančynu zavuć Alena Minčanka, u lutym joj spoŭniłasia 60 hadoŭ, piša telehram-kanał «Viciebsk, ja hulaju». Jana raźmiaściła svoj zvarot u tyktoku.
Žančyna kaža, što «z 11 studzienia ŭsia ŭ ślazach«, bo jaje aštrafavali za toje, što jana «pastaviła łajk pad karcinkaj, dzie čałavieku žadali Carstva Niabiesnaha». Imavierna, žančyna zrabiła heta na adnym ź internet-resursaŭ, pryznanym uładami ekstremisckim — štrafavali jaje pavodle č. 2 art. 19.11 KK.
Na videa žančyna sa ślaźmi raspaviadaje, što ŭ jaje piensija składaje 340 rubloŭ, i jana abyšła ŭsie banki horada, kab atrymać kredyt, ale biezvynikova. Alena źviarnułasia ŭ sud, kab dazvolili spłacić štraf u rasterminoŭku. I siońnia pavinna być pasiedžańnie.
U raniejšych videapastach u tyktoku piensijanierka havoryć, što «lubić našu Biełaruś», a ŭsich, chto suprać paradkaŭ u krainie, pasyłaje «iści polem» i abiacaje «pakazać kirunak».
Ciapier žančyna baicca, što nie zmoža spłacić taki vialiki štraf, što ŭ jaje adbiaruć dom i na staraści jana «stanie bamžom». «Pamaliciesia za mianie, kab sudździa ŭchvaliŭ rasterminoŭku, u mianie piensija ŭsiaho 340 rubloŭ. Budu sudździu na kaleniach prasić», — kaža jana.
Vynikaŭ pasiadžeńnia jana pakul nie publikavała.
U kamientarach pad videa mnohija kamientatary pišuć, što za takoje ŭ Biełarusi nie štrafujuć i takoj piensii niama.
«Chutka abaviažuć stavić videakamiery na našych kuchniach i ŭ spalniach». Biełarusy vykazalisia pra novaŭviadzieńni ŭ taksi
Tyktok abmiarkoŭvaje kanflikt u maršrutcy: kiroŭca pačaŭ vyhaniać dziaŭčynu, jakaja apłaciła prajezd
Hrodzienka, jakuju raniej sudzili za BČB-štany, paklikała ŭsich na vybary i sfatahrafavałasia z byłym siłavikom
Kamientary