Polski Kanhres žančyn źviarnuŭsia da palitykaŭ paśla śmierci zhvałtavanaj biełaruski
Jany zaklikajuć uklučycca ŭ baraćbu z hvałtam nad žančynami i viarnuć im pravy na pryniaćcie rašeńniaŭ adnosna ŭłasnaha cieła i abaronu svajoj cełasnaści, piša Reform.by.
«My nie prosta ŭzrušanyja śmierciu hetaj dziaŭčyny, my poŭnyja hnievu i abureńnia! I sprava nie tolki ŭ hetym asobnym vypadku, sprava ŭ jaje žudasnych pakutach i śmierci. My schilajem pierad joj hałavu, ale ŭ toj ža čas zaklikajem: jana — adna z tysiač achviar», — havorycca ŭ tekście, apublikavanym Kanhresam u dzień śmierci Lizy, 1 sakavika.
Dziaŭčat i žančyn pastajanna hvałtujuć, na vajnie i ŭ mirny čas, na vulicach i va ŭłasnych damach, dehienieraty i «prystojnyja mužčyny», znajomyja i nieznajomyja. Zakon nie reahuje, palicyja marudzić (za vyklučeńniem ekstranych vypadkaŭ), palityki ź ciažkaściu abo zusim nie zhadžajucca efiektyŭna zmahacca z hvałtam u dačynieńni da žančyn.
«Stambulskaja Kanviencyja ab praduchileńni hvałtu ŭ dačynieńni da žančyn i dziaciej užo šmat hadoŭ znachodzicca ŭ palityčnaj zamarozcy. Prezident Duda zajaviŭ, što jaje naohuł nie varta ŭžyvać. Heta zaachvočvaje złačyncaŭ. Pa niejkaj pryčynie hvałt u adnosinach da žančyn i dziaciej sustrakajecca ŭ Polščy z krajniaj abyjakavaściu z boku palitykaŭ i palicyi. Ale chopić! My pavinny zrabić usio, kab mabilizavać usie srodki (palityčnyja, Jurydyčnyja, adukacyjnyja) dla spynieńnia hetaha hvałtu. Kab ni z adnoj žančynaj bolš nie źviartalisia jak z abjektam, kab jana nie stanaviłasia achviaraj zhvałtavańnia, katavańniaŭ i pakut», — zajaŭlajuć pradstaŭnicy arhanizacyi.
«Spadary palityki! Uklučyciesia, narešcie, u baraćbu z hvałtam nad žančynami, viarnicie im adabranyja pisaŭskimi [partyja «Zakon i spraviadlivaść»] fundamientalistami aŭtanomnyja pravy na pryniaćcie rašeńniaŭ nakont ułasnaha cieła i abaronu svajoj cełasnaści», — zaklikajuć jany.
***
Ranicaj 25 lutaha vartaŭnik adnaho z damoŭ na vulicy Žuravia pabačyŭ aholenuju dziaŭčynu biez prytomnaści. Jana lažała ŭ varotach doma i nie padavała prykmiet žyćcia. Kamiera nazirańnia zafiksavała, jak mužčyna ŭ bałakłavie padbieh da jaje zzadu, prystaviŭ nož da šyi i zašturchnuŭ u bramu.
Praź niekalki hadzin paśla incydentu byŭ zatrymany žychar Varšavy, 23-hadovy Daryjan S., kali pakidaŭ arandavanaje pamiaškańnie ŭ rajonie Makatuŭ, dzie žyŭ sa svajoj partniorkaj. Vyjści na jaho śled dapamahli kamiery videanazirańnia i vyšukovyja sabaki. Mužčynu vystaŭlenyja abvinavačvańni ŭ zamachu na zabojstva žančyny na hlebie rabavańnia i seksualnaha hvałtu. Jamu pahražaje pažyćciovaje źniavoleńnie. Na dadzieny momant jon zaklučany pad vartu na try miesiacy. Siońnia stała viadoma, što Lizu pachavajuć u Varšavie. Data pakul nieviadomaja.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma2
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary