Lizie było 25 hadoŭ.
Zhvałtavanaja ŭ Varšavie biełaruska pamierła.
Infarmacyju pra śmierć paciarpiełaj paviedamiła Barbara Miatkoŭska, pres-sakratar univiersiteckaha kliničnaha centra Varšaŭskaha miedycynskaha ŭniviersiteta.
Žorstki napad adbyŭsia ŭ noč z suboty na niadzielu — dziaŭčyna była znojdzienaja ranicaj la adnaho sa šmatkvaternych damoŭ na vulicy Žuravia. Z taho času 25-hadovaja dziaŭčyna znachodziłasia ŭ balnicy, i daktary vyznačyli, što jaje stan vielmi ciažki. Dziaŭčyna ŭ vyniku ŭdušša pieraniesła hipaksiju hałaŭnoha mozhu i zastavałasia biez prytomnaści.
«Pacyjentka ŭ ciažkim stanie. Jaje žyćciu pahražaje niebiaśpieka, praciahvajucca sproby jaje vyratavać. Žančyna znachodzicca ŭ adździaleńni reanimacyi i aniestezijałohii. Stan zdaroŭja nie dazvalaje jaje apytać u palicyi. Pacyjentka znachodzicca biez prytomnaści», — paviedamiła 29 lutaha pres-sakratarka balnicy Barbara Miatkoŭska.
Pavodle nieaficyjnaj infarmacyi Onet.pl, u vyniku dušeńnia złamyśnikam u 25-hadovaj paciarpiełaj adbyłasia hipaksija mozhu, jakaja moža vyklikać niezvarotnyja nastupstvy. Pacyjentka znachodziłasia na aparacie štučnaj vientylacyi lohkich. Śladoŭ naža, jakim złačyniec pahražaŭ dziaŭčynie, na jaje ciele niama. Navat kali b chvoraja aprytomnieła, jaje čakała b doŭhaja reabilitacyja.
«My nie možam dać infarmacyi pra sam chod lačeńnia. Adnak mahu vas zapeŭnić, što pacyjentka znachodzicca pad vielmi pilnym i kłapatlivym nahladam u špitali i atrymlivaje ŭsie nieabchodnyja pasłuhi, jakija mahčymyja ŭ jaje stanie», — padkreśliła napiaredadni Barbara Miatkoŭska.
Čytajcie taksama:
Dla padtrymki zhvałtavanaj i pakalečanaj u Varšavie biełaruski adkryli dabračynny zbor
Biełarusku zhvałtavali i sprabavali zadušyć u centry Varšavy
-
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
-
Sachaščyk pačaŭ prodažy kvater u svaim novym prajekcie pad Varšavaj
-
Vyjšaŭ na svabodu Alaksandr Rajentaŭ — u 2020-m jaho zatrymali ŭ tralejbusie razam ź siastroj, jaje pasadzili za ŭkus siłavika
Ciapier čytajuć
Dźvie ŭdačy, dziakujučy jakim adbyłasia karjera novaha pres-sakratara MZS Rusłana Varankova13
Dźvie ŭdačy, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary
Nadiejuś takžie na to, čto v polskich tiuŕmach nasilnikov nie lubiat!