Zdareńni66

Dziaŭčyna pierabrała narkotykaŭ i zasnuła ŭ vańnie, zatapiŭšy susiedziaŭ. I heta byŭ tolki pačatak prablem

Maładaja žančyna ŭ Minsku, užyŭšy narkotyki, pajšła pryniać vannu i tam straciła prytomnaść. Kali vada zatapiła susiedziaŭ, da jaje pryjšli, i ŭ pracesie vyśvietliłasia, što fihurantka nie tolki ŭžyvała, ale i raspaŭsiudžvała psichatropnyja rečyvy, piša ahienctva «Minsk-Naviny».

Zdymak ilustracyjny

Uviečary 12 lutaha žychary kvatery doma na vuł. Kiryły Turaŭskaha zaŭvažyli, što ścieny i stol u vannym pakoi i kalidory namokli — zatapili susiedzi źvierchu. Pakolki sproby dastukacca da haspadaroŭ nie mieli pośpiechaŭ, vyklikali ratavalnikaŭ.

Supracoŭniki MNS znajšli ŭ vannym pakoi nieprytomnuju maładuju žančynu, jakuju da takoha stanu pryviała vostraja narkatyčnaja intaksikacyja. Śledča-apieratyŭnaja hrupa zrabiła ahlad asabistych rečaŭ paciarpiełaj, a jaje zaplečnik i mabilny telefon kanfiskavała dla zachavańnia majomaści.

Praz tydzień paśla vypiski z balnicy žančyna pryjšła ŭ milicyju pa svaje rečy i kab dać tłumačeńni adnosna taho, što adbyłosia. Fakt užyvańnia narkotykaŭ jana nie admaŭlała. Ale ŭ jaje telefonie znajšli niezvyčajnuju pierapisku, ź jakoj vynikaje, što jana nie tolki sama ŭžyvała narkotyki, ale i raspaŭsiudžvała ich.

U vyniku vyśvietliłasia, što dziaŭčyna ŭładkavałasia ŭ internet-kramu pa prodažy narkotykaŭ na pasadu «miniora», jaje dziejańni kuryravaŭ apieratar narkašopa. U toj dzień, atrymaŭšy zadańnie, jana pavinna była zabrać «skarb», ale pierad hetym užyła alfa-PVP i zasnuła ŭ vannaj z uklučanaj vadoj.

Paśla atrymańnia kaardynataŭ raźmiaščeńnia tajnika milicyjaniery adpravilisia ŭ lasny masiŭ pablizu Kopišča pad Minskam, dzie vyjavili i kanfiskavali skrutak ź psichatropnym rečyvam.

Ciapier Minskim rajonnym adździełam Śledčaha kamiteta ŭ dačynieńni da 33-hadovaj fihurantki ŭzbudžanaja kryminalnaja sprava pa č. 3 art. 328 KK («niezakonnyja z metaj zbytu vyrab, pierapracoŭka, nabyćcio, zachoŭvańnie, pieravozka abo pierasyłka albo niezakonny zbyt narkatyčnych srodkaŭ, psichatropnych rečyvaŭ albo ich prekursaraŭ abo anałahaŭ u bujnym pamiery»).

Kamientary6

  • pavlik
    01.03.2024
    Mołodież travitsia vsiakoj chimijej nieponiatnoj. Łukašu nado razriešiť marichuanu kak eto sdiełano v Sieviernoj Korieje. Iz pozitivnoho - niehativnaja enierhija v obŝiestvie političieskaja obstanovka śnizitsia, plus možno obłažiť nałohami i diełať na prodažie dieńhi. Tiem boleje eto i naturalnoje i naučno dokazano mienieje vriednoje vieŝiestvo čiem ałkohol i tabak
  • dajcia pahadaju
    01.03.2024
    Paśla atrymańnia kaardynataŭ raźmiaščeńnia tajnika milicyjaniery adpravilisia ŭ lasny masiŭ pablizu Kopišča pad Minskam, dzie vyjavili i kanfiskavali skrutak ź psichatropnym rečyvam.

    paśla hetaha milicyjantaŭ nichto nie bačyŭ?
  • Równy gość
    01.03.2024
    I što, nichto navat nie padumaŭ zadać sabie pytańnie, na padstavie čaho byli kanfiskavanyja asabistyja rečy i čamu mianty zaleźli ŭ jaje telefon? Čysta chichańki-chachańki, aby na klikbiejtny zahałovak vialisia, a tam choć trava nie raści? Mnie dyk zdavałasia, niezaležnyja miedyja majuć niejkuju misiju – abaraniać pravy i zakonnaść u tym liku. Tut hetyja pravy jaŭna byli parušanyja. I mienavita pra hetaje parušeńnie treba było pisać.

Ciapier čytajuć

Byłoha milicyjaniera, jaki viarnuŭsia z Kienii i vioŭ błoh pra Afryku, asudzili za «raspalvańnie varožaści»

Byłoha milicyjaniera, jaki viarnuŭsia z Kienii i vioŭ błoh pra Afryku, asudzili za «raspalvańnie varožaści»

Usie naviny →
Usie naviny

Startap rabiŭ vyhlad, što jon raspracavaŭ štučny intelekt. Nasamreč, jon naniaŭ 700 prahramistaŭ i jany stvarali pradukty ŭručnuju3

Žychara Klecka asudzili za vykradańnie mihrantaŭ i vymahańnie ź ich hrošaj

«Bačyš, palityka nie takaja prostaja». Radasłaŭ Sikorski padkałoŭ Iłana Maska2

Kala Lidskaha zamka ŭładkujuć nabiarežnuju dla špacyraŭ

«Patryjatyčny» fond Mikałaja Karpiankova dla školnikaŭ, padobna, finansujecca «Intehrałam»3

U Minsku 88-hadovamu kiroŭcu stała kiepska za rulom, jon spravakavaŭ avaryju5

Učora Minsk znoŭ zatapiła. Čamu stalica nie hatovaja da daždžoŭ?7

«Hučnaja noč u Kijevie, tata!» — dačka hienierała Kiełaha stała hierojem sacsietak6

U Homieli siłaviki ŭznaharodzili tajamničych hierojaŭ. Chto jany?2

bolš čytanych navin
bolš łajkanych navin

Byłoha milicyjaniera, jaki viarnuŭsia z Kienii i vioŭ błoh pra Afryku, asudzili za «raspalvańnie varožaści»

Byłoha milicyjaniera, jaki viarnuŭsia z Kienii i vioŭ błoh pra Afryku, asudzili za «raspalvańnie varožaści»

Hałoŭnaje
Usie naviny →

Zaŭvaha:

 

 

 

 

Zakryć Paviedamić