Śviet11

Armienija «zamaroziła» ŭdzieł u ADKB

Taksama Nikoł Pašynian aścierahajecca, što Azierbajdžan napadzie na Armieniju.

Nikoł Pašynian. Fota: Mikhail Metzel, Sputnik, Kremlin Pool Photo via AP

Udzieł Armienii ŭ Arhanizacyi Damovy ab kalektyŭnaj biaśpiecy (ADKB) — zamarožany, zajaviŭ premjer-ministr krainy Nikoł Pašynian u intervju telekanału France 24, piša news.am.

Tym samym jon adkazaŭ na pytańnie viadučaha, ci maje namier Jerevan vyjści z arhanizacyi, u jakoj «daminuje Rasija».

Jašče ŭ listapadzie minułaha hoda jon kazaŭ, što Armienija nie rychtujecca pakinuć ADKB.

Padčas svajho adkazu francuzskim žurnalistam premjer-ministr Armienii paviedamiŭ taksama, što tak zvanaja damova ab kalektyŭnaj biaśpiecy ŭ dačynieńni da Jerevana nie vykonvałasia, asabliva ŭ 2021-2022 hadach — u pryvatnaści, kali Pašynianu prapanavali padpisać sumiesnuju dekłaracyju Savieta kalektyŭnaj biaśpieki ADKB z-za adsutnaści palityčnaj acenki ahresii Azierbajdžana suprać suvierenitetu Armienii.

«Heta nie mahło zastacca biez našaj uvahi. My prypynili naš udzieł. Pahladzim, što budzie dalej», — skazaŭ Pašynian.

Na pytańnie ab mahčymym zakryćci rasijskaj vajskovaj bazy na terytoryi Armienii Pašynian nie daŭ kankretnaha adkazu. Hetaja tema «nie staić na paradku dnia», skazaŭ jon.

Taksama premjer miarkuje, što napad Azierbajdžana na Armieniju vielmi imavierny.

«Pierad nami zadača vykazać u mirnym pahadnieńni tyja try pryncypy, jakija byli zadekłaravanyja i apublikavanyja ŭ ramkach damoŭlenaściaŭ, dasiahnutych na mižnarodnych placoŭkach. Analizujučy hetyja prablemy i zajavy, jakija zychodziać z aficyjnaha Baku, my prychodzim da vysnovy, što tak, napad na Armieniju vielmi imavierny», — skazaŭ Pašynian.

Premjer-ministr udakładniŭ, što aficyjnyja zajavy Baku ab «zachodnim Azierbajdžanie» aznačajuć, što bolšaja častka terytoryi Armienii źjaŭlajecca azierbajdžanskaj.

Akramia taho, sa słoŭ Pašyniana, Azierbajdžan praktyčna nie pryznaje terytaryjalnuju cełasnaść Armienii i niedatykalnaść jaje miežaŭ, niahledziačy na toje, što «na dypłamatyčnym uzroŭni Azierbajdžan zapeŭnivaje, što nie maje namieru napaści».

Kamientary1

  • Bolesłav
    23.02.2024
    Pravilno. A tiepieŕ Azierbajdžana nužno probiť koridor v Nachičievań.

Ciapier čytajuć

Biełarus raskazaŭ, jak byŭ hidam u Dudzia na Madejry — jeli draniki ŭ bary i hulali ŭ futboł na stadyjonie Ranałdu8

Biełarus raskazaŭ, jak byŭ hidam u Dudzia na Madejry — jeli draniki ŭ bary i hulali ŭ futboł na stadyjonie Ranałdu

Usie naviny →
Usie naviny

Łukašenka zahadaŭ čynoŭnikam pravodzić narady na vychodnych i paśla pracy2

Muzykant Aleh Skrypka: Ja za vajskovy pieravarot21

Biełarus pradaje słoik miodu za 1500 rubloŭ. Za što takija hrošy6

Nie ŭskładniajcie, Mikoła. Buhaj adkazvaje Dziadku40

«Jon sapraŭdy jak mała chto zasłužyŭ jaje» — Milinkievič pra premiju dla Pačobuta4

Turystka nazvała Hrodna «nievialikim pravincyjnym haradkom». Biełarusy nie pahadzilisia27

Piać žycharoŭ Navahrudka asudzili za stvareńnie dvarovaha čata. Usich u kałoniju4

Na Aŭtazavodskaj linii mietro spyniaŭsia ruch ciahnikoŭ3

Na miažy nul mašyn, a vyjechać možna tolki praz tydzień. Što adbyvajecca z vyjezdam z Łatvii ŭ Biełaruś

bolš čytanych navin
bolš łajkanych navin

Biełarus raskazaŭ, jak byŭ hidam u Dudzia na Madejry — jeli draniki ŭ bary i hulali ŭ futboł na stadyjonie Ranałdu8

Biełarus raskazaŭ, jak byŭ hidam u Dudzia na Madejry — jeli draniki ŭ bary i hulali ŭ futboł na stadyjonie Ranałdu

Hałoŭnaje
Usie naviny →

Zaŭvaha:

 

 

 

 

Zakryć Paviedamić