«Alivaryja» da svajho jubileju vyrabiła «piŭnoje šampanskaje»
Pivavary brovara «Alivaryja» da 160-hodździa pradpryjemstva abviaścili pra stvareńnie dvuch novych hatunkaŭ piva, śvietłaha i ciomnaha, jakija adnosiacca da kraftavaj katehoryi. Pra heta paviedamlajecca na sajcie kampanii.
Adzin z hetych novych hatunkaŭ — śvietłaje piva, jakoje pa źniešnich i smakavych charaktarystykach nahadvaje pienistaje vino. Jano nazyvajecca «Alivaryja Śviatočnaje Brut Lager». Pra jaho vytvorcy pišuć tak:
«Suchaść i lohkaja kiślinka ŭ smaku, jakija charakternyja dla bruta, byli dasiahnutyja dziakujučy hłybokaj stupieni zbrodžvańnia. Pry vytvorčaści vykarystoŭvaŭsia śpiecyjalny amierykanski chmiel, jaki dazvalaje damahčysia ŭ smaku kvietkavych notak ź lohkimi adhałoskami marakuja. A jašče hety hatunak adroźnivajecca pavyšanaj «šypučaściu» i niekłasičnym piŭnym koleram. Utrymańnie ałkaholu — 5,4%».
Ciomnaje piva nazyvajecca «Alivaryja Jubilejnaje Milk Stout»:
«Baza hetaha hatunku — karamielny i pražany soład, dziakujučy jakomu ŭ smaku źjaŭlajucca noty pražanych kavavych zierniaŭ. U piva dadali naturalny ekstrakt kakosa i małočny cukar, kab damahčysia hustoj kremavaj tekstury z pyšnaj pienaj. Akramia taho, małočny cukar robić staut miakčejšym, stvarajučy śmietankovy paślasmak. Utrymańnie ałkaholu — 5,5%».
Abodva hatunki stvoranyja, jak śćviardžajecca, pa aŭtarskich receptach. A dla taho kab padabrać idealnaje spałučeńnie inhredyjentaŭ, vytvorcy vyvučali i natchnialisia raspracoŭkami Carlsberg Group. Dla afarmleńnia novych hatunkaŭ pradryjemstvu spatrebiłasia ŭstanoŭka dadatkovaha abstalavańnia.
«Alivaryja Śviatočnaje Brut Lager» i «Alivaryja Jubilejnaje Milk Stout» užo pastupili ŭ prodaž i buduć pastupova źjaŭlacca ŭ kramach pa ŭsioj krainie.
Čytajcie taksama:
Finski kancern Olvi choča pradać «Lidskaje piva», a nie moža
Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej20
Kamientary
amierykanski? a jak ža sankcyi?)