Nacyjanalny statystyčny kamitet apublikavaŭ infarmacyju ab prodažach ałkaholu ŭ Biełarusi za 2023 hod.
Prodažy harełki skaracilisia, ale jość pryrost u realizacyi inšych napojaŭ, zaŭvažyŭ Myfin.by.
Pavodle źviestak Biełstata, u 2023 hodzie arhanizacyjami handlu Biełarusi (bieź mikraarhanizacyj) realizavana ałkaholnych napojaŭ i piva na 5,7 młrd rubloŭ, što ŭ roźničnym tavaraabarocie arhanizacyj handlu skłała 8%.
Prodaž ałkaholnych napojaŭ i piva ŭ absalutnym ałkaholi skłaŭ 97,6% da ŭzroŭniu papiaredniaha hoda, to-bok źmienšyŭsia na 2,4%.
U naturalnym vyražeńni ŭ 2023 hodzie ŭ paraŭnańni z 2022 hodam bolš za ŭsio ŭ našaj krainie pavialičyłasia realizacyja słabaałkaholnych napojaŭ — na 13,5%.
Vyraśli prodažy i inšych napojaŭ:
likioraŭ i likiora-harełačnych vyrabaŭ — na 9,9%;
kańjaku, kańjačnych napojaŭ i brendzi — na 6,1%.
pienistych vinaŭ, uklučajučy šampanskaje, — na 5,7%.
Admoŭnuju dynamiku prodažaŭ pakazali harełka (-6,9%), vinahradnyja i pładovyja viny (-4,9% i -4,6% adpaviedna), piva (-1,3%).
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra3
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary