Litoŭski palityk aburyŭsia, što Volhu Karač vybrali ŭ Kaardynacyjnuju radu. A jaje tam niama
Nasamreč Karač uvajšła ŭ arhanizacyjny kamitet pa vybarach u Kaardynacyjnuju radu nastupnaha sklikańnia, kudy zaprašali absalutna ŭsie biełaruskija arhanizacyi.
Kiraŭnik parłamienckaha kamiteta nacyjanalnaj biaśpieki Łaŭrynas Kaščunas aburyŭsia, što Volha Karač uvajšła ŭ skład Kaardynacyjnaj rady.
«Kali na Alimpie biełaruskaj demakratyčnaj apazicyi, — a mienavita takaja meta hetaj Rady, — źjaŭlajucca takija ludzi, jakija źviazanyja z rasijskimi śpiecsłužbami, heta značyć, što zmahajucca z Alaksandram Łukašenkam, a druhoj rukoj pracujuć na rasijskija śpiecsłužby, to abličča takoj rady dziŭnaje», — cytuje Kaščunasa Delfi.lt.
«Tut pačynaješ dumać, moža, heta čyjści prajekt, čamu ad jaje nie admiažoŭvajucca? Jasna i kankretna dystancyjavacca ad takich dziejačaŭ, skazać, što im nie miesca ŭ takich utvareńniach. Heta chaciełasia b pačuć ad lidaraŭ demakratyčnaj apazicyi», — dadaŭ Kaščunas.
Nasamreč u śpisie siabroŭ Kaardynacyjnaj rady proźvišča Volhi Karač niama. Adnak jana ŭvajšła ŭ arhanizacyjny kamitet pa vybarach u Kaardynacyjnuju radu nastupnaha sklikańnia, kudy mahli patrapić usie biełaruskija arhanizacyi.
Čytajcie taksama:
U čym trahiedyja Volhi Karač. Tłumačyć Andrej Stryžak
Volha Karač nie płanuje zjazdžać ź Litvy
«A, pacuk! Pacuk!» Jak pracuje novaje treš-šou Marharyty Laŭčuk
Kamientary
Astatnich, jakija realna źviazanyja z FSB RF jašče z savieckich časoŭ, jon na Alimpie biełaruskaj demakratyčnaj apazicyi ŭ Litvie va ŭpor nie zaŭvažaje?
Toje, što litoŭskija ułady abjavili spadaryniu Karač pahrozaj, maje jurydyčnaja nastupstvy vyklučna ŭ miežach Litvy. Bo dokazy suviaziaŭ Karač nie byli publična pradstaŭlenyja, chaj heta i było zroblena ŭ adpaviednaści ź litoŭskimi zakonami.
Nie ździŭlusia, što spadar Kaščunas pasprabuje vykarystać zabojstva rasiejskaha piłota-pierabiežčyka Maksima Kuźminava, kab u čarhovy raz zapatrabavać uzmacnieńnie abmiežavańniaŭ na kont šerahovych biełarusaŭ. Chaj zastralić Kuźminava mahli lubyja kilery-najmity kštałtu sierbskich albo ałbanskich złačynnych hrupovak, jakija dosyć volna dziejničajuć u Jeŭropie.
Brat Biezuhłaj.