Rasieja pavinna być izalavanaja ŭ mižnarodnaj prastory. Nielha paciskać ruku zabojcu, jaki źniščaje svaich palityčnych apanientaŭ, zajaviŭ prezident Litvy Hitanas Naŭsieda, pieradaje LRT.
U subotu ŭ časie Miunchienskaj kanfierencyi pa biaśpiecy adbyłasia dyskusija ab abaronie ŭschodniaha fłanha NATA. Hitanas Naŭsieda zajaviŭ, što dla ŭtajmavańnia impieryjalistyčnych ambicyj Rasiei i zabieśpiačeńnia doŭhaterminovaha miru va ŭsim śviecie nieabchodna izalavać hetuju krainu ŭ mižnarodnaj supolnaści, skaracić jaje zdolnaść finansavać vajnu.
«Pierš za ŭsio, Rasieja pavinna być izalavanaja ŭ mižnarodnaj prastory. Nielha paciskać ruku zabojcu, jaki źniščaje svaich palityčnych apanientaŭ. Miesca Pucina — u Haahskim sudzie. Pa-druhoje, nam treba jak maha bolš inviestavać u našu abaronu. NATA pavinna być macniej, čym kali b tam ni było. Pa-treciaje, my pavinny abmiežavać ekanamičnyja mahčymaści kramloŭskaha režymu finansavać vajnu», — zajaviŭ litoŭski lidar.
Pavodle jaho słoŭ, supracoŭnictva z krainaj-ahresaram pavinna być spyniena va ŭsich śfierach, ad śfiery technałohij da kultury.
16 lutaha ŭ časie Miunchienskaj kanfierencyi stała viadoma pra jašče adno złačynstva pucinskaha režymu — śmierć u kałonii rasiejskaha apazicyjaniera Alaksieja Navalnaha.
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ49
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1717
Kamientary