Za jakuju sumu Raiffesen moža pradać Pryjorbank inviestaru z AAE
Patencyjny prodaž doli Raiffeisen Bank International (RBI) u Pryjorbanku abiacaje stać adnoj z najbujniejšych uhodaŭ na finansavym rynku Biełarusi za apošnija hady.
Z zajavy samoha RBI viadoma, što pieramovy iduć ź inviestaram z AAE i što ŭhoda paciahnie za saboj straty, jakija aceńvajucca minimum u 225 młn jeŭra. Office Life pasprabavaŭ padličyć na asnovie najaŭnych źviestak, pra jakuju vynikovuju sumu ŭhody moža iści havorka.
Na dumku analityka Alaksandra Škuta (CFA), kali supastavić źviestki adkrytaj finansavaj spravazdačnaści Raiffeisen Bank International i Pryjorbanka, to možna pryjści da vysnovy, što biełaruski aktyŭ RBI mohuć pradać prykładna za 0,6-0,8 kapitału.
Adpraŭnoj ličbaj pry raźliku multyplikatara ŭhody źjaŭlajecca košt čystych aktyvaŭ Pryjorbanka, a heta 487 młn jeŭra. Pry hetym dola RBI ŭ Pryjorbanku składaje 87,74% (427 młn).
Druhi momant, jaki treba ŭličvać, — heta pazyki, vydadzienyja Pryjorbanku hrupaj RBI. Histaryčna ich pamier možna acanić prykładna ŭ 80 młn jeŭra. Dadaŭšy hetuju sumu, atrymlivajem inviestycyi hrupy ŭ Pryjorbanku: kala 507 młn jeŭra.
Pad uvahu varta pryniać i prahnoz samoj RBI ab stratach ad uhody — 225 młn jeŭra. Pry takoj stracie košt doli składaje kala 282 młn jeŭra.
Akramia taho, pry kupli bankaŭ zvyčajna jość dadatkovaja kamisija, jakaja vypłačvajecca praź niejki čas paśla padpisańnia ŭhody. Zvyčajna heta 10-15% ad sumy. U našym vypadku — kala 30 młn jeŭra.
«Zychodziačy z takich raźlikaŭ, chutčej za ŭsio, uhoda budzie zakryta pa multyplikatary 0,6-0,8 da kapitału. I jaje suma moža skłaści ad 280 młn da 320 młn jeŭra.
Akramia taho, na biahučy momant nie jasna, ci budzie pradadzieny tolki bank abo ŭsia dola biźniesu RBI, jakaja taksama ŭklučaje ŭ siabie lizinhavuju i strachavuju kampanii», — kaža Alaksandr Škut.
Jon dadaje, što pry hetym uvachodžańnie ŭ kapitał novaha inviestara z AAE, chutčej za ŭsio, nijak nie paŭpłyvaje na pracu banka.
A što tyčycca dolaŭ inšych akcyjanieraŭ, to, chutčej za ŭsio, jany nijak nie źmieniacca. U kapitale banka zachavajecca ŭdzieł fizičnych asob i dziaržavy.
U jakaści patencyjnaha pakupnika Pryjorbanka nazvany Soven 1 Holding Limited, zarehistravany 28 śniežnia 2022 hoda ŭ Abu-Dabi.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary