«Dajarka z Chacapietaŭki» abahnała Ejsmanta. Što najbolš hladzieli na TB u studzieni?
Pakazalny rejtynh: u top-20 tolki try biełaruskija prahramy.
Kampanija «Miedyjamietr» apublikavała spravazdaču pra telehladzieńnie za studzień (heta statystyka źbirajecca z dapamohaj pryboraŭ, jakija staviacca ŭ nievialikaha pracenta nasielnictva (650 siemjaŭ), i paśla ekstrapalujecca na krainu).
Kali vieryć joj, to štodzień televizar uklučaje 61% nasielnictva. Telekanały ANT, «Biełaruś 1», «Rasija-Biełaruś», «NTB-Biełaruś» štodnia ŭklučaje čverć nasielnictva.
Siarod aŭdytoryi 60,5% — žančyny. Kali hladzieć uzrost, to 31,1% telehledačoŭ — 35-54 hady, 19,9% — 54-65 hadoŭ, 29,8% — starejšyja za 65.
Samymi papularnymi pieradačami studzienia stali rasijskija «Pieśni ad usioj dušy», «60 hod na scenie. Jubilejnaja prahrama Jaŭhiena Pietrasiana» i «Pryviet, Andrej!» (zabaŭlalnaje viečarovaje šou, kudy prychodziać rasijskija zorki).
Ź biełaruskich prahram u top-15 uvajšli tolki try — «Plus-minus. Nadvorje na tydzień» (na kanale «Rasija-Biełaruś»), «Faktar.baj» («Biełaruś 1») i «Naviny» (ANT).
Apošnija dźvie abahnaŭ navat rasijski sieryjał «Dajarka z Chacapietaŭki».
Pakazalna, što rasijskija naviny hladziać achvotniej za biełaruskija. A aŭtarskija pieradačy Azaronka, Tura i inšych prapahandystaŭ navat nie trapili ŭ top.
Kali hladzieć samyja papularnyja prahramy na asobnych kanałach, to biełaruskich jašče mieniej — tolki na «Biełaruś 1» lidziruje «Faktar.baj» (muzyčnaje realici-šou typu «Ch-Faktara»). Na astatnich u topie abo rasijskija sieryjały, abo rasijskija naviny.
Ciapier čytajuć
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary
Da i voobŝie strannaja raźbivka. V piervoj katiehorii 20 let raźnicy, po vtoroj 10let, v 3j 10+-