«Prosta padpišy praŭładny list i budzieš pracavać». Jak akcioru Iharu Sihovu ŭ 2020-m prapanoŭvali pakajacca
Kupałaviec Ihar Sihoŭ byŭ siarod tych, chto śmieła vykazaŭ svaju hramadzianskuju pazicyju. U vyniku jaho pazbavili prafiesii ŭ Biełarusi. U novym vypusku tok-šou «Žyćcio-malina» zasłužany artyst raspavioŭ pra prapanovu z boku ŭładaŭ pakajacca i svoj zarobak taksistam u Varšavie.
Ihar Sihoŭ zhadvaje, što jašče pierad pierajezdam u Polšču vyrašyŭ, što budzie pracavać taksistam.
«Ja daviedvaŭsia, kolki moža zarablać taksist. Da taho ž, viedańnie movy tut minimalnaje. Usio, što treba — heta pravy. Pieršapačatkova, kali my pierajazdžali, ja razumieŭ, što chutčej za ŭsio budzie taksi. Ja razumieŭ, što niejkija prajekty buduć u kupałaŭcaŭ».
Jak zhadvaje Sihoŭ, u pieršy hod žyćcia ŭ Varšavie byli śpiektakli, ale vielmi mała. Pry hetym patrabavalisia hrošy na apłatu kvatery. «Ja razumieŭ, što adzinaje vyjście — heta taksi. Žonka jašče prapanoŭvała pajści pracavać kurjeram. Ja nie dobra razumieŭ rabotu kurjera. A taksi — razumieŭ, tamu što
jašče ŭ Biełarusi paśla 2020 hoda, kali zvolniŭsia z Kupałaŭskaha teatra i atrymaŭ zabaronu na ŭsie tvorčyja prafiesii, pačaŭ vazić ludziej ź Minska ŭ Vilniu na busach».
Akcior zhadvaje, što zabaronu na prafiesiju mahli admianić u tym vypadku, kali jon pakajecca.
«Mnie namiakali: navošta tabie heta ŭsio treba, prosta padpišy praŭładny list i budzieš pracavać. Ja havaru: usio, daśvidos, raźbiarusia niejak tak».
Raspaviadajučy pra pracu taksistam u Polščy Sihoŭ adznačaje: «Pracavać na arandavanaj mašynie, kab niešta zarabić, dastatkova składana. Treba być za styrnom 10-12 hadzin štodnia. U kampanijach, dzie aranduješ mašynu, niama taksomietraŭ. U vyniku ty nie možaš brać čałavieka z vulicy, «ad barta». Tamu tolki z vykarystańniem aplikacyi. Tabie dajucca try aplikacyi — Uber, Bolt, FreeNow. Ale ty za ŭsio płaciš — za mašynu, aplikacyi, partniorskija, i, jak praviła, za paliva taksama».
Akcior adznačaje, što rekłamavanaha padziełu prybytku 60/40, kali 40% zastajecca ŭ vadziciela, u jaho nie atrymlivałasia dasiahnuć. Adnak jon nie pracavaŭ pa 10-12 hadzin.
«Paniadziełak, aŭtorak ty možaš pa 12 hadzin adpracavać. A dalej, kali kazać ščyra, kali nie siadzieć na niejkich enierhietykach, to ja hublaŭ fokus, prapuskaŭ śviatłafory, razumieŭ, što stomleny. Tamu staraŭsia vydzialić čas, kab była mahčymaść adpačyć», — tłumačyć mužčyna.
Ihar Sihoŭ zhadvaje, što apłata ŭ taksi była štotydzień. Samy vialiki zarobak u jaho byŭ 600 złotych (amal 150 dalaraŭ). U toj čas, pa jaho słovach, niekatoryja inšyja taksisty ŭ toj ža firmie atrymlivali čystymi pa 1000 złotych (kala 250 dalaraŭ).
Na pytańnie, čamu ź jaho nie ŭpała karona, zasłužany artyst Biełarusi Ihar Sihoŭ adkazaŭ: «Ja jaje nie našu. Ja jaje časam u zaležnaści ad situacyi nadziavaju».
Čytajcie jašče:
Da mianie prychodzili z orhanaŭ i pytalisia: «Našto vy heta robicie?» — Ihar Sihaŭ
«Nikomu ničoha nie dakazvaju». Ihar Sihoŭ sustreŭsia z synam, jakoha za 28 hadoŭ bačyŭ tolki dvojčy
Ciapier čytajuć
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary