Kino1616

«Nikomu ničoha nie dakazvaju». Ihar Sihoŭ sustreŭsia z synam, jakoha za 28 hadoŭ bačyŭ tolki dvojčy

Zasłužany artyst Biełarusi Ihar Sihoŭ ździviŭ svaich prychilnikaŭ. Ale nie novaj rollu, a tym, što ŭ efiry rasijskaha telebačańnia pahadziŭsia zrabić test DNK, kab pierakanacca, što jaho syn Illa Sałko sapraŭdy rodny.

Šou «Na samaj spravie» viadzie Dźmitry Šepieleŭ. Hierojem adnoj ź pieradač i staŭ 50-hadovy akcior Ihar Sihoŭ.

Padčas efiru Ihar Sihoŭ sustreŭsia sa svaim synam Illoj Sałko, ź jakim raniej za 28 hadoŭ bačyŭsia tolki dvojčy.

Illa naradziŭsia ŭ šlubie ź Ludmiłaj Sałko. U pieradačy Ihar Sihoŭ raskazaŭ, što heta viasielle było spantannym, a ciažarnaść niaviesty zusim nie ŭvachodziła ŭ płany Ihara. Tamu akcior i vyrašyŭ, što Ludmiła zaciažarała nie ad jaho.

Illa ž u svaju čarhu pryhadaŭ, što za svaje 28 hadoŭ bačyŭsia z baćkam tolki dvojčy. U druhi raz, kali Illa źviarnuŭsia da baćki pazyčyć hrošaj na adukacyju, Sihoŭ hrošy pazyčyŭ, ale paprasiŭ syna praź Ludmiłu jaho bolš nie turbavać: «Ja nie mahu zabiaśpiečvać dźvie siamji», — skazaŭ tady Sihoŭ. 

Vyniki DNK-testa, kanviert ź jakimi Sihoŭ adkryŭ prosta ŭ efiry, pakazali, što Illa na 99,9% — syn Ihara Sihova.

Paśla efiru na Ihara abrynułasia chvala krytyki: maŭlaŭ, navošta dziela hrošaj było siabie tak hańbić.

«Naša Niva» spytałasia ŭ akciora Sihova, ci nie paškadavaŭ jon pra svoj udzieł u hetaj pieradačy.

«Paśla taho, jak u 2011 hodzie ŭ mianie zdaryŭsia infarkt, ja staŭ bolš razvažlivym. Nikomu ničoha nie dakazvaju, starajusia ni z kim nie spračacca. A ŭdzieł u hetaj pieradačy dapamoh mnie zrazumieć, chto moj sapraŭdny siabar i dobra mianie viedaje, a chto mianie nie viedaje zusim i pavieryŭ tolki ŭ toje, pra što išła havorka ŭ pieradačy», — adkazaŭ Ihar Sihoŭ.

Pa słovach Ihara Sihova, jon nikoli nie admaŭlaŭsia ad syna. Padtrymlivaŭ ź im adnosiny, a bačyŭ jaho tolki dva razy ŭ žyćci, bo Illa žyvie ŭ inšaj krainie, u Bałharyi.

Ad adkazu na pytańnie, kolki Sihovu zapłacili za ŭdzieł u prahramie, Ihar uchiliŭsia: «Ja padpisaŭ papieru, što nie budu raspaviadać, jak nasamreč usio adbyvałasia.

Vy ž sami viedajecie, jak robiacca tok-šou na telebačańni, čaho ŭ mianie pytajeciesia? Ja, sa svajho boku, nie skazaŭ ni adnaho słova niapraŭdy pra syna, inšaja sprava, jak była padadzienaja infarmacyja. A dzie tam praŭda, vyrašać tolki hledaču»? — kaža Ihar Sihoŭ.

U kamientarach da pieradačy znajomy Ihara piša, što Sihovu za ŭdzieł u prahramie Šepieleva «Na samaj spravie» zapłacili 2000 dalaraŭ.

Kamientary16

Ciapier čytajuć

Polšča adkryvaje miažu ź Biełaruśsiu60

Polšča adkryvaje miažu ź Biełaruśsiu

Usie naviny →
Usie naviny

Minčanka pradała mašynu za 900 rubloŭ, a praz čatyry hady daviedałasia pra doŭh 6000 rubloŭ4

Nvidia damoviłasia inviestavać da $100 młrd u ChatGPT — kampanii płanujuć stvaryć supierintelekt2

«Na prabiehu 40—55 tysiač pačynajuć praharać kłapany». Biełarusy pra dośvied karystańnia Geely10

Jak Stakholm pieramoh zatory biez abureńnia žycharoŭ8

«Załaty miač» atrymaŭ francuzski napadnik Usman Dembiele

Aeraporty Danii i Narviehii prypyniali pracu praz źjaŭleńnie vialikich dronaŭ9

Pucin daŭ rasijskaje hramadzianstva byłoj pamočnicy Bajdena7

Čynoŭnik ad turyzmu narakaje, što ŭ Biełarusi vielmi kiepskija hateli2

U Minsku zaŭvažyli dziŭny aŭtamabil, bitkom nabity ludźmi i poni2

bolš čytanych navin
bolš łajkanych navin

Polšča adkryvaje miažu ź Biełaruśsiu60

Polšča adkryvaje miažu ź Biełaruśsiu

Hałoŭnaje
Usie naviny →

Zaŭvaha:

 

 

 

 

Zakryć Paviedamić