Stała viadoma, kolki karupcyjanieraŭ asudzili letaś i jak ich karali
U Biełarusi padviali vyniki baraćby z karupcyjaj za minuły hod. Statystyka pakazvaje, što vyjaŭlać karupcyjanieraŭ stali mienš: za 2025 hod asudzili 657 čałaviek, što na 7% nižej za pakazčyk 2024 hoda.
Samym raspaŭsiudžanym złačynstvam zastajecca kradziež šlacham złoŭžyvańnia słužbovymi paŭnamoctvami — pa hetym artykule pakarali 259 čałaviek.
Amal stolki ž trapilisia na atrymańni chabaru — 229 asob.
A voś tych, chto hety chabar davaŭ, sudzili ŭ dziesiać razoŭ radziej — tolki 22 čałavieki.
Taksama siarod lidaraŭ karupcyjnych spraŭ — pieravyšeńnie ŭłady i słužbovych paŭnamoctvaŭ.
Što tyčycca pakarańniaŭ, to kožny treci asudžany (199 čałaviek) adpraviŭsia za kraty na realny termin. Jašče stolki ž atrymali «chimiju» abo «chatniuju chimiju». Amal va ŭsich vypadkach karupcyjaniery raźličvalisia za złačynstvy hrašyma.
Praktyčna ŭsim asudžanym zabaranili zajmać kiraŭničyja pasady, a 29 čałaviek pazbavili voinskich abo śpiecyjalnych zvańniaŭ.
Kožnamu treciamu dali adterminoŭku pakarańnia — heta značyć, što ŭ kałoniju jany nie pajechali.
Kamientary