Стала вядома, колькі карупцыянераў асудзілі летась і як іх каралі
У Беларусі падвялі вынікі барацьбы з карупцыяй за мінулы год. Статыстыка паказвае, што выяўляць карупцыянераў сталі менш: за 2025 год асудзілі 657 чалавек, што на 7% ніжэй за паказчык 2024 года.
Самым распаўсюджаным злачынствам застаецца крадзеж шляхам злоўжывання службовымі паўнамоцтвамі — па гэтым артыкуле пакаралі 259 чалавек.
Амаль столькі ж трапіліся на атрыманні хабару — 229 асоб.
А вось тых, хто гэты хабар даваў, судзілі ў дзесяць разоў радзей — толькі 22 чалавекі.
Таксама сярод лідараў карупцыйных спраў — перавышэнне ўлады і службовых паўнамоцтваў.
Што тычыцца пакаранняў, то кожны трэці асуджаны (199 чалавек) адправіўся за краты на рэальны тэрмін. Яшчэ столькі ж атрымалі «хімію» або «хатнюю хімію». Амаль ва ўсіх выпадках карупцыянеры разлічваліся за злачынствы грашыма.
Практычна ўсім асуджаным забаранілі займаць кіраўнічыя пасады, а 29 чалавек пазбавілі воінскіх або спецыяльных званняў.
Кожнаму трэцяму далі адтэрміноўку пакарання — гэта значыць, што ў калонію яны не паехалі.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары