Stvaralniki adznačajuć, što takoha filma pra nacyjanalnaha hieroja Biełarusi, Polščy i Litvy jašče nie było.
Siužet zakručvajecca vakoł padziej 1794 hoda. Sam Kaściuška znachodzicca ŭ emihracyi, ale niespryjalnaje stanovišča ŭ Polščy: ekanamičnyja prablemy i rasiejskaja akupacyja — sparadžajuć novuju chvalu revalucyjnych nastrojaŭ, piša Mostmedia.io.
Budučy lidar paŭstańnia viartajecca na radzimu, kansalidujučy vakoł siabie polskaje dvaranstva i sialan.
Ccenaryst filma Michał Zialiński ŭ razmovie z vydańniem Wyborcza adznačaje, što Kaściuška — heta sumieś prahmatyzmu i ramantyzmu, redkaja dla Polščy źjava.
— Patryjot, jaki krytyčna stavicca da ŭładkavańnia Polščy. Siońnia nie tak šmat histaryčnych asob, jakija mahli b abjadnać palakaŭ, — dadaje jon.
Zialiński ličyć, što asoba Kaściuški zdolnaja abjadnoŭvać i inšyja hramadstvy, zhadvajučy i biełaruski Połk Kalinoŭskaha.
— Biełaruski bataljon, jaki abaraniaje Ukrainu, u svajoj prysiazie ŭspaminaje «kasinieraŭ Kaściuški», bo budučy lidar paŭstańnia naradziŭsia i vyras na terytoryi Biełarusi.
Film užo ŭhanaravali hran-pry na Fiestyvali polskaha mastackaha kino ŭ Hdyni. Aficyjnaja premjera karciny adbyłasia 26 studzienia, ciapier «Kos» idzie ŭ kinateatrach Polščy.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary