Ikonu suśvietnaha kino, 88-hadovaha Alena Dełona pryznali niedziejazdolnym
Francuzski sud abmiežavaŭ u pravach Alena Dełona — jon nie zmoža rasparadžacca nieruchomaściu i pradavać svaju majomaść. Sud taksama pazbaviŭ jaho dziaciej apieki nad im.
Adpaviednuju pastanovu pryniaŭ francuzski sud 29 studzienia. Zhodna ź im, 88-hadovaja zorka nie moža samastojna rasparadžacca svajoj nieruchomaj majomaściu. U toj ža čas hetym i inšymi pytańniami, źviazanymi ź miedycynskimi abśledavańniami i vydatkami, budzie zajmacca pradstaŭleny ŭ zakanadaŭčym paradku dziaržaŭny ahient, piša Postimees sa spasyłkaj na BFMTV.
Dzieci akciora, jakija nieadnarazova vykazvalisia ab krytyčnym stanie zdaroŭja baćki, pazbaŭlenyja mahčymaści jaho hladzieć. U pryvatnaści, jany nie mohuć umiešvacca ŭ praviadzieńnie miedycynskich manipulacyj.
«Heta dazvolić treciamu boku dapamahčy Alenu Dełonu ź jaho miedycynskimi abśledavańniami. Sudździa paličyŭ nieabchodnym pazbavić dziaciej Dełona sačyć za miedycynskimi abśledavańniami ich baćki», — raspavioŭ advakat žančyny, jakaja nazvała siabie byłoj spadarožnicaj Dełona, u kamientary BFMTV.
Taki prysud užo prakamientavaŭ syn znakamitaści. Entani Diełon stanoŭča nastrojeny na takoje rašeńnie, choć i nie paźbiahaje emacyjnaści:
«Kali heta moža dapamahčy vypravić situacyju i pieraškodzić advakatam kazać pra chvarobu majho baćki, navat nie aznajomiŭšysia z dakumientami, heta dobra. Hetaja miedycynskaja sprečka skončycca raz i nazaŭždy», — adreahavaŭ Entani.
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka6
Kamientary