U BDU adkryli «partyjnuju škołu». Zdahadajciesia za try siekundy, jakoj partyi?
Staršynia partyi «Biełaja Ruś» Aleh Ramanaŭ uziaŭ udzieł u adkryćci i realizacyi prajekta «Partyjnaja škoła» ŭ Biełaruskim dziaržaŭnym univiersitecie.
Va ŭračystym mierapryjemstvie ŭziali ŭdzieł administracyja, studenty i pradstaŭniki prafiesarska-vykładčyckaha składu, a taksama aktyŭ piarvički «Biełaja Ruś», paviedamlajecca ŭ telehram-kanale Savieta Respubliki.
Udzielnikami pieršaj płyni partyjnaj škoły stali supracoŭniki BDU, kiraŭniki ŭstanoŭ i arhanizacyj Minska. Inicyjataram navučańnia ŭ ramkach respublikanskaha prajekta vystupaje partyja «Biełaja Ruś».
U pryvitalnym słovie sienatar padkreśliŭ, što heta «ŭnikalnaja adukacyjnaja prahrama sfarmiruje ŭ słuchačoŭ cełasnaje ŭjaŭleńnie ab šmatpartyjnaj sistemie Respubliki Biełaruś i roli partyj u dziaržaŭnym budaŭnictvie na sučasnym etapie».
Paśla masavaj začystki palityčnaha pola ŭ 2023 hodzie ŭ Biełarusi z 15 zastałosia čatyry partyi: novastvoranaja «Biełaja Ruś» (staršynia Aleh Ramanaŭ), Libieralna-demakratyčnaja partyja (Aleh Hajdukievič), Kamunistyčnaja partyja Biełarusi (Alaksiej Sokał), Respublikanskaja partyja pracy i spraviadlivaści (Alaksandr Chižniak). Usie apazicyjnyja partyi byli likvidavanyja.
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary