Arhkamitet marksisckaj partyi abviaściŭ pra stvareńnie jačejek u Minsku
Partyja, jakuju źbirajucca zasnavać Buchvostaŭ, Vaźniak i Kalakin, prystupiła da farmavańnia «rehijanalnaj viertykali».
«Respublikanski arhanizacyjny kamitet pa stvareńni ŭ Biełarusi levaj demakratyčnaj partyi, idejna-palityčnaj płatformaj jakoj budzie marksizm (ja adzin ź jaho sustaršyniaŭ — źviartajciesia), prystupiŭ da farmiravańnia rehijanalnaj «viertykali». Siońnia (u paniadziełak) u Minsku my praviali sustreču hramadzian, na jakoj byŭ utvorany haradski arhanizacyjny kamitet», — napisaŭ Siarhiej Vaźniak u svaim fejsbuku.
Staršynioj minskaj filii abrany Alaksandr Paŭłaŭ, jaki raniej uznačalvaŭ staličnuju arhanizacyju Partyi kamunistaŭ Biełarusi/partyi «Spraviadlivy śviet» (likvidavanaj uładaj letaś).
Pieršymi zadačami arhkamiteta buduć: rekrutynh patencyjnych členaŭ partyi, stvareńnie jačejek u rajonach stalicy, praviadzieńnie palityčnaj vučoby ŭ kantekście padrychtoŭki da Ustanoŭčaha źjezdu partyi. U najbližejšy čas stvorym anałahičnyja arhkamitety va ŭsich abłaściach Biełarusi, dadaŭ Siarhiej Vaźniak.
***
Navina pra toje, što Kalakin, Vaźniak i Buchvostaŭ źbirajucca stvaryć novuju partyju na bazie marksizmu, źjaviłasia ŭ śniežni.
Jaje idejnaj asnovaj pavinien być marksizm, a partyja pavinna zamianić likvidavanuju Viarchoŭnym sudom Biełaruskuju partyju levych «Spraviadlivy śviet» (da 2009 hoda — Partyja kamunistaŭ Biełarusi).
«U Biełarusi nie zastałosia palityčnych partyj, jakija majuć adrozny ad ułady pohlad na stanovišča spraŭ u krainie i prapanujuć hramadstvu alternatyŭnyja varyjanty palityčnaha i sacyjalna-ekanamičnaha raźvićcia dziaržavy. … My zaklikajem hramadzian levych demakratyčnych pohladaŭ dałučacca da našaj pracy. Biełaruś maje patrebu ŭ masavaj levaj palityčnaj partyi, jakaja bazujecca na kaštoŭnaściach svabody, roŭnaści, sacyjalnaj spraviadlivaści, salidarnaści i narodaŭładździa», — havaryłasia ŭ zajavie arhkamiteta partyi.
Na pačatku 2023 hoda ŭ Biełarusi było 15 partyj, paśla pierarehistracyi i stvareńnia praŭładnaj partyi «Biełaja Ruś» u krainie zarehistravanyja čatyry partyi: «Biełaja Ruś» (staršynia Aleh Ramanaŭ), Libieralna-demakratyčnaja partyja (Aleh Hajdukievič), Kamunistyčnaja partyja Biełarusi (Alaksiej Sokał), Respublikanskaja partyja pracy i spraviadlivaści (Alaksandr Chižniak). Usie apazicyjnyja partyi byli likvidavanyja.
Buchvostaŭ, Vaźniak i Kalakin pasprabujuć stvaryć novuju partyju na bazie marksizmu
«Kali palityka pytajuć, ahient ty ci nie ahient, ja nie viedaju, što jon musić adkazvać». Siarhiej Vaźniak patłumačyŭ, dla čaho im z Kalakinym partyja
«Kamunist, jaki vystupaje za buržuaznuju revalucyju». Piać faktaŭ pra Siarhieja Kalakina, jaki stvaraje «partyju marksisckich pohladaŭ»
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club6
Kamientary