Śviet

Čaćviora muzykaŭ «Bi-2» užo siońnia palaciać u Izrail. Los traich pad pytańniem

Pa infarmacyi izrailskaha 12 telekanała (N12) i partała Ynet, usie ŭdzielniki hurta «Bi-2», jakija majuć pašparty i hramadzianstva Izraila, patrapiać tudy ŭžo siońnia. Jašče adzin budzie departavany ŭ Aŭstraliju. A astatnim «moža pahražać departacyja ŭ Rasiju».

«Bi-2». Fota: AHN «Maskva»

Jak paviedamlaje 12 telekanał Izraila (N12), čaćviora muzykaŭ «Bi-2» mohuć być adpraŭleny ŭ Tel-Aviŭ užo siońnia.

«Čaćviora izrailcian, jakija byli aryštavanyja ŭ Tajłandzie i jakim pahražała departacyja ŭ Rasiju, u aŭtorak vyleciać u Izrail, kali ŭ apošniuju chvilinu nie adbudziecca nijakich źmienaŭ. Ź siami aryštavanych troje nie majuć izrailskaha hramadzianstva i ryzykujuć być departavanymi ŭ Rasiju», — paviedamiŭ 12 kanał.

Toje ž samaje paćviardžaje izrailski partał Ynet, adnak dadaje, što jašče adzin muzyka budzie departavany ŭ Aŭstraliju.

«Dziakujučy ŭmiašańniu MZS Izraila, čaćviora muzykaŭ «Bi-2» nie buduć departavanyja ŭ Rasiju, a palaciać u Tel-Aviŭ. Jašče adzin budzie departavany ŭ Aŭstraliju. Los astatnich dvuch nieviadomy, ale adzin ź ich maje amierykanskaje hramadzianstva», — adznačaje Ynet.

Nahadajem, što 25 studzienia muzykaŭ hurta «Bi-2» zatrymali adrazu paśla kancertu na Pchukiecie. Paviedamlałasia, što jany vystupali biez adpaviednaha dazvołu.

Nastupnym dniom sud pryznačyŭ im štraf, jaki jany apłacili na miescy. Ale potym ich pierazatrymała mihracyjnaja palicyja. Muzykaŭ pieravieźli ŭ Banhkok, dzie vyrašajucca pytańni ab ich znachodžańni ŭ Tajłandzie i krainie mahčymaj departacyi.

Pavodle miascovych zakonaŭ, departacyja pravodzicca pramym avijarejsam u krainu vydačy pašparta. 

«Bi-2» byŭ stvorany ŭ 1988 hodzie ŭ Babrujsku. Zasnavalniki i niaźmiennyja ŭdzielniki — Šura Bi-2 i Lova Bi-2. U skład kamandy taksama ŭvachodziać Andrej Zvankoŭ, Maksim Andruščanka, Barys Lifšyc, Hleb Kaladzin i Jan Nikolenka. Usie jany pakul što znachodziacca pad vartaj u Banhkoku.

U mai minułaha hoda Miniust Rasii ŭnios muzykanta Jahora Bortnika (Lova «Bi-2») u rejestr «inahientaŭ». U Miniuście tady zajavili, što Bortnik vystupaŭ suprać rasijskaha ŭvarvańnia va Ukrainu, niehatyŭna vykazvaŭsia pra Rasiju, jaje hramadzian i orhanaŭ dziaržaŭnaj ułady.

@nashaniva Muzykanty z «Bi-2» na voli. Što jany raskazvajuć #biełaruś #navinybiełarusi #biełaruśsiejčas #biełaruskiciktok #našaniva #biełorusy #novostibiełarusi #biełaruśnovosti #bi2łučšije #bobrujsk ♬ Molitva (Iz k/f "Molitva") - Bi-2

Kamientary

Ciapier čytajuć

U Sule adznačyli Kupalle. Haściej było stolki, što na darohach utvarylisia zatory5

U Sule adznačyli Kupalle. Haściej było stolki, što na darohach utvarylisia zatory

Usie naviny →
Usie naviny

Deputat Hajdukievič zaklikaŭ napadać na apazicyjanieraŭ za miažoj: Hety ŭčynak budzie zaličany pry viartańni15

Što viadoma pra sietku koł-centraŭ, jakija ŭciuchvali biełaruskim piensijanieram bijadabaŭki4

Žonka traktarysta ŭraziła kolkaściu syroŭ i kaŭbas, jakija padaryli mužu na pracy32

Daždžy viartajucca. Ale budzie ciopła

U Minsku kolkaść niemaŭlat skaraciłasia na tracinu proci 2020 hoda21

Rasija zasakreciła amal usiu statystyku pa demahrafii5

Pošuk u Google źnižaje kreatyŭnaść — ludzi pačynajuć dumać adnolkava

Italjanski matacyklist zrabiŭ sełfi ź miedźviedzianiom. Paśla hetaha jaho naśmierć razarvaŭ darosły miadźviedź6

Daśviedčanamu ajcišniku z EPAM prysudzili kałoniju za danaty. Pahražała da vaśmi hadoŭ7

bolš čytanych navin
bolš łajkanych navin

U Sule adznačyli Kupalle. Haściej było stolki, što na darohach utvarylisia zatory5

U Sule adznačyli Kupalle. Haściej było stolki, što na darohach utvarylisia zatory

Hałoŭnaje
Usie naviny →

Zaŭvaha:

 

 

 

 

Zakryć Paviedamić