«Pucinskaja Rasija vyklikaje tolki ahidu i hidlivaść». Lova Bi-2 zajaviŭ, što nie vierniecca ŭ RF
Salist hurta «Bi-2» Lova (biełarus Jahor Bortnik) napisaŭ u instahramie, što nie vierniecca ŭ Rasiju. Pra heta muzyka paviedamiŭ, adkazvajučy na pytańnie padpisčyka ab majučych adbycca rasijskich kancertach hurta, piša Meduza.io.
Akramia taho, Lova Bi-2 adkazaŭ na niekalki inšych kamientaroŭ. U pryvatnaści, adzin z padpisčykaŭ pavinšavaŭ muzykanta z Dniom Pieramohi, na što toj napisaŭ: «Z Dniom Pieramohi sajuźnickich vojskaŭ u Druhoj suśvietnaj vajnie».
Paśla hetaha ŭ kamientarach u muzyki pačałasia sprečka pra Dzień Pieramohi, padčas jakoha jon nazvaŭ rasijan zabojcami. «Vy pierakreślili ŭsie svaje dasiahnieńni. Dy i dasiahnieńni byli ahulnymi i z Ukrainaj, i ź Jeŭropaj. Usio, što vyklikaje ciapier pucinskaja Rasija, tolki ahida i hidlivaść», — napisaŭ muzyka.
Ciapier «Bi-2» hastraluje pa ZŠA. Raniej u muzykaŭ byŭ zapłanavany kancert u Maskvie 10 červienia, adnak ciapier na sajcie hurta infarmacyi pra jaho niama — dva najbližejšyja da 10 červienia vystupy, zhodna z raskładam, pavinny prajści 28 maja ŭ Ńju-Jorku i 11 červienia ŭ Taškiencie.
Uviesnu 2022 hoda «Bi-2» sutyknuŭsia z admienaj šerahu kancertaŭ u Rasii paśla taho, jak 28 krasavika hurt admoviŭsia vystupać u Omsku na fonie baniera «Za prezidenta», raźmieščanaha na kancertnaj placoŭcy.
«Bi-2» — adzin z samych kamiercyjna paśpiachovych hurtoŭ na rasijskaj scenie. Pavodle rejtynhu časopisa Forbes, u 2020 hodzie hrupa ŭvachodziła ŭ dziasiatku samych vysokaapłatnych zorak rasijskaha šou-biznesu.
Ciapier čytajuć
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary