Udzielnikaŭ «Bi-2» zatrymali paśla kancerta na vostravie Pchukiet. Hurt vystupaŭ biez dazvołu
Usiaho zatrymali siem čałaviek.
U Tajłandzie paśla kancerta na vostravie Pchukiet zatrymali ŭdzielnikaŭ hurta «Bi-2» z-za adsutnaści dazvołu na pracu, piša Rasijskaja słužba Radyjo Svaboda.
«Supracoŭniki palicyi ŭ Patonhu zatrymali ŭ sieradu siem čałaviek, adnaho izrailcianina i šeść rasijan, pryčynaj aryštu stała adsutnaść dazvołu na pracu. Havorka idzie pra rok-hrupu «Bi-2».
Jany pavinny zapłacić štraf, pamier jakoha vyznačyć sud», — skazaŭ pradstaŭnik viedamstva, zaznačyŭšy, što paśla vypłaty štrafu muzykam budzie zahadana pakinuć krainu.
Kancerty «Bi-2» prajšli ŭ horadzie Pataja 22 studzienia i pravincyi Pchukiet 24 studzienia, adznačaje TASS.
«Bi-2» byŭ stvorany ŭ 1988 hodzie ŭ Babrujsku. Zasnavalniki i niaźmiennyja ŭdzielniki — Šura Bi-2 i Lova Bi-2. U skład kamandy taksama ŭvachodziać Andrej Zvankoŭ, Maks Łakmus, Barys Lifšyc i Jan Nikolenka.
U mai minułaha hoda Miniust Rasii ŭnios muzykanta Jahora Bortnika (Lova «Bi-2») u rejestr «inaahientaŭ». U Miniuście tady zajavili, što Bortnik vystupaŭ suprać rasijskaha ŭvarvańnia va Ukrainu, niehatyŭna vykazvaŭsia pra Rasiju, jaje hramadzian i orhanaŭ dziaržaŭnaj ułady.
15 studzienia paviedamlałasia, što ŭ Tajłandzie prypynili prodaž biletaŭ na kancerty Maksima Hałkina. Jon pavinien byŭ vystupić u Patai 24 studzienia i Pchukiet 25 studzienia. «U Tajłandzie miascovyja ŭłady vielmi žorstka reahujuć, kali artysty dapuskajuć palityčnyja vykazvańni sa sceny», — raspaviadała krynica TASS.
Raniej u Tajłandzie byli admienieny vystupleńni Rusłana Biełaha. I Maksim Hałkin, i Bieły asudzili rasijskaje vajennaje ŭvarvańnie va Ukrainu i źjechali z Rasii. Maksim Hałkin nieadnarazova vystupaŭ suprać vajny, jak u sacsietkach, tak i na svaich kancertach, jakija jon pravodzić za miažoj, u tym liku ŭ padtrymku Ukrainy.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary