Piaciora ź siami muzykantaŭ źjaŭlajucca hramadzianami Rasii.
Muzykaŭ hurta «Bi-2» u najbližejšyja dni etapujuć u centr časovaha ŭtrymańnia imihracyjnaha biuro karaleŭskaj palicyi Tajłanda dla departacyi, paviedamiŭ RIA Naviny hienkonsuł Rasii ŭ Pchukiecie Uładzimir Sasnoŭ sa spasyłkaj na imihracyjnyja ŭłady pravincyi.
«My atrymali siońnia infarmacyju z upraŭleńnia imihracyjnaj palicyi pravincyi Pchukiet ab tym, što ŭdzielniki hrupy «Bi-2», siem čałaviek, etapavanyja ŭ centr časovaha ŭtrymańnia imihracyjnaha biuro karaleŭskaj palicyi Tajłanda ŭ Banhkoku dla nastupnaj departacyi», — zajaviŭ jon.
Pavodle miascovych zakonaŭ, departacyja pravodzicca pramym avijarejsam u krainu vydačy pašparta. U Biełaruś pramyja samaloty z Tajłanda nie lotajuć.
Jak udakładniŭ dypłamat, piaciora ź siami muzykantaŭ źjaŭlajucca hramadzianami Rasii.
***
«Bi-2» zatrymali niekalki dzion tamu paśla kancerta. Paviedamlałasia, što jany vystupali biez adpaviednaha dazvołu.
Učora stała viadoma, što kožnaha z udzielnikaŭ hurta aštrafavali na 95 dalaraŭ u ekvivalencie. Usiaho byli zatrymanyja siem čałaviek.
«Bi-2» byŭ stvorany ŭ 1988 hodzie ŭ Babrujsku. Zasnavalniki i niaźmiennyja ŭdzielniki — Šura Bi-2 i Lova Bi-2. U skład kamandy taksama ŭvachodziać Andrej Zvankoŭ, Maks Łakmus, Barys Lifšyc i Jan Nikolenka.
U mai minułaha hoda Miniust Rasii ŭnios muzykanta Jahora Bortnika (Lova «Bi-2») u rejestr «inahientaŭ». U Miniuście tady zajavili, što Bortnik vystupaŭ suprać rasijskaha ŭvarvańnia va Ukrainu, niehatyŭna vykazvaŭsia pra Rasiju, jaje hramadzian i orhanaŭ dziaržaŭnaj ułady.
Udzielnikaŭ «Bi-2» adpravili ŭ tajłandski anałah Akreścina
Udzielnikaŭ «Bi-2» zatrymali paśla kancerta na vostravie Pchukiet. Hurt vystupaŭ biez dazvołu
Lovu Bi-2 pryznali ŭ Rasii zamiežnym ahientam
«Pucinskaja Rasija vyklikaje tolki ahidu i hidlivaść». Lova Bi-2 zajaviŭ, što nie vierniecca ŭ RF
U Rasii chočuć zabaranić ujezd hurtu «Bi-2»
Kamientary