«U Orbana pistalet, a ŭ nas bazuka». Jeŭrasajuz pryhraziŭ razvalić ekanomiku Vienhryi, kali taja znoŭ zabłakuje dapamohu dla Ukrainy
Vydańnie Financial Times aznajomiłasia z unutranym dakumientam ES, u jakim apisany płan žorstkich dziejańniaŭ na vypadak błakiroŭki Vienhryjaj čarhovaha pakieta dapamohi Ukrainie ŭžo ŭ hety čaćvier. Voś, što napisana ŭ płanie.
«Zhodna z raspracavanym płanam ES, jaki padtrymała bolšaść krain błoka, Vienhryja całkam pazbavicca ŭsiakaha jeŭrapiejskaha finansavańnia, kali jašče raz zabłakuje dapamohu Ukrainie», — napisała Financial Times, pračytaŭšy adpaviedny dakumient ES, jakoha niama ŭ publičnym dostupie.
U dakumiencie paznačana, što Vienhryja maje «vielmi vysoki dziaržaŭny deficyt srodkaŭ, vialikuju inflacyju, słabuju valutu, a taksama absłuhoŭvaje svoj dziarždoŭh za košt datacyj ES bolš za lubuju inšuju jeŭrapiejskuju krainu».
Jak pišuć aŭtary novaj stratehii, kali vienhierski ŭrad iznoŭ zabłakuje vydzialeńnie 50 miljardaŭ jeŭra dapamohi Ukrainie na hałasavańni 1 lutaha, to inšyja kiraŭniki dziaržaŭ nazaŭsiody admoviacca finansavać Vienhryju i paralizujuć jaje ekanomiku.
«Nastroj siarod čalcoŭ ES staŭ bolš surovym. Jaki ŭ nas sajuz, kali my dazvalajem takija pavodziny i šantaž z boku Vienhryi? Chopić, dastatkova.
Pryjšoŭ čas skazać Orbanu, što choć jon moža mieć pistalet, ale ŭ nas jość bazuka», — zajavili vydańniu Financial Times niekalki jeŭrapiejskich dypłamataŭ.
U adkaz na heta pradstaŭnik Vienhryi pa spravach ES Janaš Boka zajaviŭ, što jaho kraina «nie paddasca cisku».
Ale pry hetym jon dadaŭ, što kraina nie žadaje praviarać pahrozy z boku ES i hatova iści na kampramis u vyhladzie zhody na vydzialeńnie 50 miljardaŭ jeŭra Ukrainie pry ŭmovie, što Vienhryja ŭ adkaz atrymaje harantavanaje prava vieta pry abmierkavańni dapamohi Ukrainie ŭ nastupnyja hady.
Jak piša Financial Times, heta ŭmova była adchilena inšymi členami ES, bo «jany nie chočuć sutykacca z šantažom kožny hod i iści na sastupki Orbanu».
Nahadajem, što Vienhryja źjaŭlajecca adzinaj krainaj ES, jakaja rehularna sabatuje akazańnie vajskovaj i finansavaj dapamohi Ukrainie, addajučy pieravahu adkrytamu supracoŭnictvu z Rasijaj i Biełaruśsiu.
Adnak kraina časam idzie na kampramisy z sajuźnikami, jak, naprykład, heta adbyvajecca ź pieramovami pa ŭstupleńni Šviecyi ŭ NATA.
Pry hetym premjer-ministr Vienhryi Viktar Orban maje ŭsie šancy stać časovym prezidentam usiaho Jeŭrasajuza ŭžo sioleta, choć jaho i adkryta nazyvajuć «trajanskim kaniom» Pucina.
Vienhierski palityk zajaviŭ, što ŭ vypadku parazy Ukrainy Vienhryja budzie pretendavać na Zakarpaćcie
Vialiki skandał vakoł AAN: supracoŭniki arhanizacyi ŭdzielničali ŭ napadzie CHAMAS na Izrail
ZŠA tajemna papiaredzili Iran ab padrychtoŭcy teraktu na mohiłkach, ale toj dazvoliŭ jamu zdarycca
Pryjazny da Rasii premjer Słavakii niečakana staŭ na bok Ukrainy
Kamientary