Rasija zavierbavała na vajnu suprać Ukrainy 200 niepalcaŭ, 14 užo zahinuli
Ministr zamiežnych spraŭ Niepała Narajan Prakaš Saud zajaviŭ, što 200 hramadzian jahonaj dziaržavy byli zavierbavanyja Rasijaj dla ŭdziełu ŭ vajnie suprać Ukrainy. Pra heta dypłamat paviedamiŭ u intervju Associated Press.
«My paprasili Rasijskuju Fiederacyju nieadkładna spynić viarboŭku niepalcaŭ u svajo vojska, nieadkładna viarnuć tych, chto ŭžo słužyć u vojsku, repatryjavać cieły zahinułych, a taksama vylečyć i viarnuć tych, chto byŭ paranieny», — skazaŭ Saud.
Kiraŭnik MZS hetaj azijackaj krainy adznačyŭ, što Niepał patrabuje ad Rasii hrašovaj kampiensacyi siemjam najmitaŭ, jakija zahinuli padčas bajavych dziejańniaŭ. Usiaho paćvierdžanyja śmierci 14 niepalcaŭ, jakija vajavali za Rasiju.
Dypłamat taksama raskazaŭ, što Niepał maje źviestki, nibyta piaciora hramadzian, jakija vajavali na baku rasijan, patrapili da ŭkraincaŭ u pałon.
Ahienctva padkreśliła, što ŭrad zabaraniŭ niepalcam jeździć u RF z metaj pracaŭładkavańnia, adznačyŭšy, što mnohija ź ich byli zavierbavanyja rasijskaj armijaj dla ŭdziełu ŭ vajnie suprać Ukrainy.
Jak dadaje AP, rasijskija aficyjnyja asoby nie kamientujuć viarboŭku zamiežnych hramadzian, ale ŚMI taksama paviedamlajuć, što razam ź niepalcami vojska RF uziała na słužbu kubincaŭ.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ22
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary