24 studzienia pamior zasłužany architektar Biełarusi Jarasłaŭ Linievič, paviedamiŭ Biełaruski sajuz architektaraŭ. Jamu było 92 hady.
Jarasłaŭ Linievič naradziŭsia 16 studzienia 1932 hoda ŭ vioscy Bielica Lidskaha rajona.
U 1958 hodzie skončyŭ Biełaruski politechničny instytut, pracavaŭ na šerahu adkaznych pasadaŭ, źviazanych z haradskim płanavańniem. Z 1988 hoda byŭ namieśnikam načalnika Hałoŭnaha ŭpraŭleńnia — načalnikam adździeła horadabudaŭnictva Hałoŭarchitektury Dziaržbuda BSSR, z 1989-ha — staršynioj Kamiteta architektury, hałoŭnym architektaram horada Minska. U 1994-1998 hadach pracavaŭ namieśnikam dyrektara pa architektury — hałoŭnym architektaram instytuta «Minskprajekt», u 1998-2004 hadach — načalnikam upraŭleńnia płaniroŭki i zabudovy UP «Minskprajekt», u 2004-2013 hadach — dyrektaram, hałoŭnym architektaram UP «Minskhrada».
Prymaŭ udzieł u raspracoŭcy hienieralnych płanaŭ Bresta i Minska, hienpłanaŭ płaniroŭki pryharadnaj zony horada Minska, prajektach płaniroŭki vodna-zialonaha dyjamietra i centra Minska, prajektaŭ płaniroŭki i zabudovy mikrarajonaŭ u Minsku, Navapołacku, Viciebsku, Hrodnie, Breście, Mahilovie, Barysavie, Salihorsku, niekatorych zamiežnych haradoŭ.
U 1975-1977 hadach byŭ staršynioj Sajuza architektaraŭ BSSR, u 1975-1980 hadach sakratarom praŭleńnia Sajuza architektaraŭ SSSR, sakratarom praŭleńnia Sajuza architektaraŭ BSSR (1977-1990). Uznaharodžany mnohimi dziaržaŭnymi ŭznaharodami, atrymlivaŭ prestyžnyja premii.
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie32
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary