U kaściole ŭ Lachavičach adklučyli zvonavyja miełodyi. Tak zapatrabavali dziaržorhany
Heta adbyłosia paśla kampanii pa skarhach na kaścioł u Lachavičach. Vierniki sprabavali dakazać, što nie parušajuć zakon.
Parafijanie kaścioła Śviatoha Juzafa ŭ Lachavičach daviedalisia, što ŭ chramie daviałosia adklučyć prajhravańnie miełodyj novaj sistemy elektronnych zvanoŭ, piša katolik.life.
Viernikam nie paviedamlali, jaki kankretna dziaržaŭny orhan nastajaŭ na takim rašeńni, adnak viadoma, što paśla atrymańnia skarhaŭ na «šum» ad zvanoŭ hetym pytańniem zajmalisia rajonnyja prakuratura, centr hihijeny i epidemijałohii, a taksama rajvykankam.
Nahadajem, kampaniju suprać zvanoŭ kaścioła inicyjavali troje miascovych žycharoŭ.
Jak raspaviali ŭ parafii, ciapier sistema prajhraje tolki boj zvanoŭ a 12-j hadzinie i pierad śviatoj imšoj. Abiedźvie miełodyi, jakija pačynali i zaviaršali dzień, daviałosia adklučyć — niahledziačy na toje, što ŭ liście ŭ prakuraturu vierniki paviedamlali pra abmiežavańnie svaich pravoŭ i dakazvali, što nie parušajuć zakon, u jakim prapisany narmatyŭ šumu.
Adnak, choć pavodle zakona i nie abaviazany byli heta rabić, u parafii pajšli nasustrač i adklučyli miełodyi.
U pryvatnaści horad zastaŭsia bieź viačerniaj zvonavaj miełodyi viadomaj pieśni-malitvy «Paniency na dabranač». Heta zvarot da Božaj Maci z prośbaj ab dabrasłaŭleńni na nadychodziačuju noč. U pieśni jość, naprykład, takija słovy: «Kłopat tvoj raśsiejvaje načny zmrok. Usyplonym vioskam, zakałychanym haradam, Panienka, padary ščaślivuju, dobruju noč!»
U parafii dadali, što nie spyniajuć malitvu ab mahčymaści hučańnia nad horadam boju zvanoŭ i miełodyj, a taksama ab naviartańni da Boha tych, chto skardziŭsia na kaścioł.
-
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju
-
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam
-
Kavieryn vybačyŭsia za prapanovu eratyčnaj fotasiesii dla Cichanoŭskaj
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary