Prarasijski kandydat, jaki nie sabraŭ patrebnyja podpisy, apublikavaŭ kryk dušy: «Heta što, bł*dź, vybary?»
Aktyvist Uładzimir Ryžankoŭ, jaki ŭvachodzić u «Nacyjanalna-vyzvalenčy ruch» i vystupaje za ŭstupleńnie Biełarusi ŭ skład Rasii, pasprabavaŭ zarehistravacca kandydatam u deputaty. Jon bałatavaŭsia pa Paŭdniova-Zachodniaj akruzie №100 Minska, ale nie atrymałasia ničoha — Ryžankoŭ nie zmoh sabrać patrebnyja 1200 podpisaŭ za svajo vyłučeńnie.
Emacyjny zvarot Ryžankova da biełaruskich uładaŭ źjaviŭsia ŭ tyk-tok kanale arhanizacyi jašče padčas pieryjadu zboru podpisaŭ.
«Abjektyŭna treba skazać, što sabrać podpisy — heta dla čałavieka z naroda niemahčymy faktar. Heta paroh, praź jaki pieraskočyć niemahčyma», — narakaje jon i pieraličvaje prablemy, ź jakimi sutyknuŭsia. Asnoŭnaja ź ich — toje, što žychary Minska admaŭlalisia nazyvać jamu svaje pašpartnyja źviestki dla zapisvańnia ŭ biuleteń.
Na dumku Ryžankova, prazachodnija dziejačy i prychilniki niezaležnaści Biełarusi znachodziacca tolki va ŭładzie. Jon zapeŭnivaje, što mnohija vybarcy — «prostyja ruskija ludzi» — prychilna staviacca da jaho pazicyi, ale kateharyčna admaŭlajucca padpisvacca.
Što jašče aburaje Ryžankova, dyk heta toje, što ludzi ŭžo miechanična raśpisalisia za praŭładnych kandydataŭ u siabie na pracy. «Ujaŭlajecie, dziaržsiektar užo daŭnym-daŭno padpisaŭ! Heta ŭvohule nienarmalnaja situacyja. «Śpisačniki» ničoha nie źbirali! Im prosta tupa dali hetyja śpisy ź dziaržaŭnych pradpryjemstvaŭ. Nu heta što, bł*dź, vybary? Heta vybary?!»
U ankiecie 44-hadovaha Uładzimira Ryžankova paznačana, što jon dahladaje invalida 1 hrupy, inšaj pracy nie maje.
Pa jaho akruzie ŭ vyniku padali dakumienty čatyry čałavieki — były namieśnik ministra ŭnutranych spraŭ Alaksandr Barsukoŭ (ciapier pamočnik Łukašenki pa Minsku) i jašče try čałavieki ad roznych partyj.
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik35
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć14
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary
https://d2accbiqacj5y8.cloudfront.net/334237