Žłobinskaha čynoŭnika adpravili na sutki za vypadkovy łajk u instahramie, ale heta ŭžo nikoha nie cikavić
Načalnika (praŭda, ciapier užo byłoha) adździeła sportu i turyzmu Žłobinskaha rajvykankama Jaŭhiena Achremienku asudzili na 15 sutak 28 śniežnia. Vyśvietlilisia padrabiaznaści jaho zatrymańnia.
Jaŭhiena Achremienku aryštavali za «łajk», jaki jon pastaviŭ na adnoj ź instahram-staronak, pryznanych ekstremisckimi, piša «Homielskaja viasna».
Achremienka adznačyŭ upadabajkaj publikacyju «Free_Zhlobin») uklučanaj u respublikanski śpis ekstremisckich materyjałaŭ i «tym samym pavialičyŭ achop aŭdytoryi dla jaje prahladu, čym raspaŭsiudziŭ infarmacyjnuju pradukcyju nazvanaj supolnaści».
U dopisie aŭtary vinšavali z «dniom prafnieprydatnaści» supracoŭnikaŭ KDB.
Sam Achremienka padčas sudovaha pracesu vinu pryznaŭ častkova i patłumačyŭ, što heta było zroblenaje vypadkova, mety raspaŭsiudžvańnia nie mieŭ, pakolki pieračytvaŭ publikacyi nazvanaj supolnaści z metaj vyjaŭleńnia i spynieńnia supraćpraŭnych dziejańniaŭ z boku padnačalenych supracoŭnikaŭ i spartsmienaŭ.
Ale na vynik suda pakajańnie čynoŭnika nie paŭpłyvała, roŭna jak i toje, što Achremienka maje troch niepaŭnaletnich dziaciej: 15 sutak i kanfiskacyja «pradmieta złačynstva» — mabilnaha telefona.
Varta adznačyć, što ŭ instahram-akaŭncie samoha Achremienki kantent vyklučna «ideałahična pravilny»: hramaty ad inšych čynoŭnikaŭ, aficyjnyja mierapryjemstvy, sport.
Tak što, nie vyklučana, što Achremienka sapraŭdy nie chłusiŭ u sudzie, ale, jak možna ŭbačyć — heta nikoha nie cikavić i anałahičnyja pavodziny nikoha nie vyratujuć.
Ciapier čytajuć
Vyjšaŭ na svabodu vybitny chirurh Andrej Lubiecki10
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary