Kiraŭnicu praŭładnaha prafsajuza, zatrymanuju za «ekstremizm», źniali z pasady
Z sajta Homielskaj abłasnoj arhanizacyi Biełaruskaha prafsajuza bankaŭskich i finansavych rabotnikaŭ źnikła proźvišča jaje kiraŭnicy. Sa staronki kantaktaŭ prybrali danyja staršyni prafsajuza Taćciany Chackovaj, zaŭvažyŭ «Fłahštok».
Ciapier hety praŭładny prafsajuz, pavodle źviestak na jahonym sajcie, zastaŭsia biez kiraŭnika. Heta zdaryłasia paśla taho, jak Chackovu asudzili na 15 sutak aryštu pavodle artykuła «Raspaŭsiudžvańnie, vyrab, zachoŭvańnie, pieravozka infarmacyjnaj pradukcyi, jakaja ŭtrymlivaje zakliki da ekstremisckaj dziejnaści albo prapahanduje takuju dziejnaść».
Raniej u pryjomnaj prafsajuza i pa miescy pracy Chackovaj adkazvali, što staršynia byccam by znachodzicca na balničnym.
Pa źviestkach na 2021 hod, kolkaść siabroŭ prafsajuza, jakim kiravała Chackova, składała zvyš 4,5 tysiačy čałaviek, pry hetym «achop prafsajuznym siabroŭstvam siarod pracoŭnych» dasiahaŭ 98,9%.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary