Jeŭrakamisija abvinavaciła Google u raspaŭsiudzie prapahandy Kramla
Raniej biełaruskija žurnalisty skardzilisia kamisii, što kantent, jaki krytykuje režym Łukašenki, nie dasiahaje metavaj aŭdytoryi, u pryvatnaści, z-za ałharytmaŭ pošuku.
Jeŭrapiejskaja kamisija zaklikała Google i inšyja bujnyja technałahičnyja kampanii dapamahčy niezaležnym rasiejskim i biełaruskim ŚMI zmahacca suprać prapahandystaŭ, jakija, na dumku apazicyjnych žurnalistaŭ, karystajucca pieravahami ałharytmaŭ pošuku. Ab hetym zajaviła vice-prezident Jeŭrakamisii Viera Jurava ŭ razmovie z Financial Times, źviartaje ŭvahu Moscow Times.
«Baraćba z dezinfarmacyjaj i padtrymka svabody ŚMI — heta dva baki adnaho i taho ž miedalu, i my chočam, kab bujnyja technałahičnyja kampanii zajmalisia abiedźviuma», — zajaviła vice-prezident Jeŭrakamisii Viera Jurava haziecie Financial Times.
«Heta aznačaje zabieśpiačeńnie dastupnaści dakładnaj infarmacyi anłajn, a nie prapahandy Minska abo Kramla», — dadała jana, krytykujučy płatformy za raspaŭsiudžvańnie prapahandy ź Biełarusi i Rasii.
Raniej biełaruskija žurnalisty skardzilisia kamisii, što kantent, jaki krytykuje režym Łukašenki, nie dasiahaje metavaj aŭdytoryi, u pryvatnaści, z-za ałharytmaŭ pošuku Google, Meta i inšych, jakija, pavodle ich śćviardžeńniaŭ, pracujuć z ulikam praviłaŭ biełaruskaj cenzury.
Jurava vykazała svaje zaściarohi adnosna Biełarusi ŭ śniežni prezidentu pa mižnarodnych spravach Google Kientu Uokieru, a ŭ mai abmierkavała anałahičnyja pytańni z hałoŭnym vykanaŭčym dyrektaram Google Sundaram Pičai.
Jana źviarnuła ŭvahu na prablemy niezaležnych ŚMI ŭ Rasii, takija jak niazdolnaść manietyzavać kantent, raźmieščany na YouTube u Rasii.
«U ES jość zakony i inicyjatyvy, kab pierakanacca, što anłajn-płatformy robiać pravilnyja rečy», — skazała Jurava.
U Google zajavili, što prykładajuć «usie namahańni, kab stvarać našy pradukty i vykonvać našy palityki takim čynam, kab nie ŭličvać palityčnyja pieravahi». Pošukavaja vydača navin budzie ŭdaskanalvacca, ale isnujuć «sotni faktaraŭ, jakija vyznačajuć, jakija vyniki pakazvajucca», papiaredzili ŭ kampanii.
Kamientary
(Jandeks taksama).
Tamu karystajusia pašukavikom bing.com ci DuckDuckGo.
Kakoj lutyj bried. Fanaty Poźniaka, ubiejtieś hołovoj ob stienku. Zajditie v huhł i ubieditieś. Vsie tam jesť.