Śviet44

Arhiencinski sud pastaviŭ padnožku reformam prezidenta Mileja

Dekret prezidenta praduhledžvaje admienu bolš čym 350 praviłaŭ i abmiežavańniaŭ, jakija zaminajuć biznesu, a taksama zvalnieńnie siami tysiač dziaržsłužačych.

Arhiencinski sud pastaviŭ padnožku novamu prezidentu Chaŭjeru Mileju, prypyniŭšy radykalnuju reformu pracoŭnaha zakanadaŭstva, jakuju jon abviaściŭ svaim dekretam, piša Bi-bi-si.

Pazoŭ ab prypynieńni dziejańnia dekreta padali prafsajuzy, zajaviŭšy, što jon padryvaje bazavyja pravy pracoŭnych, i troje sudździaŭ Pałaty ŭ pracoŭnych sprečkach pahadzilisia ź ich patrabavańniem.

Prezident Milej, jak čakajecca, abskardzić rašeńnie suda.

Pa dekrecie abranaha ŭ listapadzie prezidenta-libiertaryjanca vyprabavalny termin dla novych rabotnikaŭ pavialičvajecca z troch da vaśmi miesiacaŭ, urazajucca kampiensacyi zvolnienym rabotnikam i skaračajecca adpačynak pa ciažarnaści i dohladzie dziciaci.

U cełym dekret prezidenta praduhledžvaje admienu bolš čym 350 praviłaŭ i abmiežavańniaŭ, jakija zaminajuć biznesu, a taksama zvalnieńnie siami tysiač dziaržsłužačych.

Pazoŭ suprać prezidenta padała ŭsieahulnaja Kanfiederacyja pracy (CGT) — heta hałoŭnaje ŭ Arhiencinie abjadnańnie prafsajuzaŭ i hałoŭny praciŭnik prezidenta Mileja, jaki choča admianić abmiežavańni dla pracadaŭcaŭ, jakija zaminajuć, na jaho dumku, raźvićciu ekanomiki.

U śniežni, paśla inaŭhuracyi, Milej abviaściŭ suajčyńnikam, što vyvieści krainu z hłybokaha ekanamičnaha kryzisu moža tolki šokavaja terapija.

Inflacyja ŭ Arhiencinie ŭ minułym hodzie skłała 200%; 40% nasielnictva žyvuć za miažoj biednaści. Chaŭjer Milej u svaim zvarocie da suhramadzian 31 śniežnia skazaŭ, što kali jaho reformy buduć zabłakavanyja, to heta pryviadzie da sacyjalnaj katastrofy biblejskich maštabaŭ.

Mieram, jakija jon prapanuje, adnak, piarečać prafsajuzy i levyja siły, jakija śćviardžajuć, što prezident choča pazbavić pracoŭnych zavajavanych imi pravoŭ.

Kamientary4

  • Michał
    05.01.2024
    Možna tolki ýiavić kali b u Biełarusi 2/3 hoda pasprabavali vyprabavalny čas na pracy zrabić jak u Arhientynie chočuć. 8 miesiacaý adpracavać i pačuć, što "vy nam nie padychodzicie". Chaj tam uvodziać, a my z papkornam pahladzim
  • Yn
    05.01.2024
    Pazoŭ suprać prezidenta padała ŭsieahulnaja Kanfiederacyja pracy (CGT) — heta hałoŭnaje ŭ Arhiencinie abjadnańnie prafsajuzaŭ i hałoŭny praciŭnik prezidenta Mileja, jaki choča admianić abmiežavańni dla pracadaŭcaŭ, jakija zaminajuć, na jaho dumku, raźvićciu ekanomiki.

    V socializm lehko vlapaťsia, a vot vybraťsia iz nieho... Kak my vas ponimajem.
  • Adzičały
    06.01.2024
    Jaki sens u vyprabavalnym terminie ŭ 8 miesiacaŭ? Navat 3 zamnoha. Za 2 tydni možna vyznačycca padychodzić vas supracoŭnik ci nie, potym ci zvalniajcie ci biarycie na siały kantrakt. ZŠA - ekanamičny lidar śvieta tamu što tam modna zvolnicca/pracaŭładkavacca za 2 tydni, a nie ciahnuć kata za chvost.

Ciapier čytajuć

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia

Usie naviny →
Usie naviny

Nie ihnarujcie hetyja źmieny skury — jany mohuć śviedčyć pra pačatak dyjabietu6

Pasoł Vienhryi pa-majstersku syhrała na arhanie ŭ kaściole ŭ Mahilovie3

Prezident Sierbii Vučyč upieršyniu z pačatku vajny naviedae Ukrainu1

Aŭtobus z 22 pasažyrami, mikraaŭtobus i lehkavy aŭtamabil patrapili ŭ DTZ na trasie M-1 u Baranavickim rajonie. Jość zahinuły1

Samy papularny tyktok-błohier u śviecie, jaki vyśmiejvaje biazhłuzdyja łajfchaki, vydvarany z ZŠA jak nielehał7

Nachabnyja źbiralniki hrošaj na prajezd u Minsku ŭžo prosiać pieravod na kartku2

U Mahilovie idzie śpiektakl 18+, jaki karystajecca šalonaj papularnaściu — hledačy pryjazdžajuć ź inšych haradoŭ10

Hruzija pastrožyć praviły znachodžańnia zamiežnikaŭ, ažno da vydvareńnia1

Kaho čaściej za ŭsio kusajuć kamary? Daviedalisia ŭ vučonaha1

bolš čytanych navin
bolš łajkanych navin

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić