Ananimny łukašyscki kanał «Hrafač» zrabiŭ vypad u bok prapahandysta Ryhora Azaronka.
«Kažuć, što ŭ nas u ŚMI jość žorstkaja cenzura.
Hledziačy pieradačy Ryhora, možna pierakanacca ŭ adsutnaści takoj. Pačynajučy ad formy, zakančvajučy źmiestam.
Ryhor, jaki raniej vystupaŭ za adzinyja śpisy ekstremisckich materyjałaŭ u ramkach Sajuznaj dziaržavy, sam trapiŭ u hetuju jamu — vierš A. Charčykava «Rychtujcie śpisy!» pryznany ekstremisckim rašeńniem Čyhunačnaha rajonnaha suda h. Barnauła Ałtajskaha kraju ad 24.12.2009.
Pasaž pra «škaduješ, što nie dajšoŭ da Maskvy sioj-toj, kab starych błudnych suk puścili pa kruzie» — heta naohuł za hrańniu dabra i zła, liču. Tut užo lepš było nazvać proźvišča, a to ž na Maskvu mnohija chadzili.
Zdajecca, što škadavać pra niaŭdały dziaržpieravarot u sajuźnika, chaj i ŭ emacyjnaj hipatetyčnaj formie — niedarečna, asabliva, kali pytańnie daŭno zakrytaje.
A naohuł, tak vidavočna sprabavać hulać niehatyŭnaj radykalnaj rytorykaj na ŭnutryrasijskuju aŭdytoryju z trybuny biełaruskaha ŚMI, uličvajučy kantekst našaha (nie)udziełu — rabić tolki horš u dvuchbakovych adnosinach i pierśpiektyvach sajuznaha miedyjachołdynha», — napisaŭ kanał.
Raniej aktyvistka hrodzienskaha abłasnoha adździaleńnia «Biełaj Rusi» Śviatłana Varanica zajaŭlała: «Nie chaču, kab maja kraina stanaviłasia azaronkaŭščynaj».
Radykalnym Azaronkam aburaŭsia i prahramist-pierabiežčyk Illa Biahun.
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
Miarkuju chutka niechta iz razumnych źvierniecca da Švieda..niešta mnie padkazvaje