Pry hetym u źbićci sudździ paŭdzielničaŭ nie tolki prezident kłuba, ale i pradstaŭniki futbolnaj kamandy.
Prezident «Ankarahiudžu» Faruk Koka ŭdaryŭ arbitra Chaliła Umuta Mielera paśla matču 15-ha tura tureckaj Supierlihi z «Ryziesporam» (1:1). Pry hetym u źbićci sudździ paŭdzielničaŭ nie tolki prezident kłuba, ale i pradstaŭniki kamandy, piša championat.com.
Na 14-j chvilinie hulec «Ankarahiudžu» Alimpiju Marucan ź pieradačy Ali Kaana Hiunierena adkryŭ lik.
Na 40-j chvilinie arbitr sustrečy pakazaŭ žoŭtuju kartku futbalistu haspadaroŭ Ali Soŭ, a praz 10 chvilin pakazaŭ jamu druhi «harčyčnik» i vydaliŭ z pola.
Pry hetym na 90+5-j chvilinie sudździa pakazaŭ druhuju žoŭtuju kartku i vydaliŭ hulca «Ryziespora» emira Chana Topču. A ŭžo praź dźvie chviliny Adolfa Hač zrabiŭ lik roŭnym.
Chutčej za ŭsio, prezident «Ankarahiudžu» ŭdaryŭ arbitra z-za vydaleńnia svajho hulca, a taksama z-za taho, što sudździa dadaŭ šmat času da druhoha tajma.
Kamientary