Japonski hulec padpisaŭ rekordny kantrakt u historyi sportu. Jon bolšy za kantrakty Miesi ci Mbape
Heta nie futboł, nie baskietboł i navat nie amierykanski futboł.
Japonski lehijanier-biejsbalist Siochiej Achtani pierachodzić z «Łos-Andželes Endžełs» u «Łos-Andželes Dodžers». Jon zaklučyŭ rekordny 10-hadovy kantrakt na 700 miljonaŭ dalaraŭ, paviedamlaje sajt lihi.
«Usim prychilnikam Dodžers ja abiacaju zaŭsiody rabić toje, što lepš dla kamandy, i zaŭsiody praciahvać vykładvacca całkam, kab być lepšaj viersijaj siabie», — napisaŭ Achtani ŭ subotu ŭ Instagram.
«Da apošniaha dnia svajoj hulniavoj karjery ja chaču praciahvać imknucca napierad nie tolki dla «Dodžers», ale i dla ŭsiaho biejsbolnaha śvietu», — dadaŭ jon.
«Heta ŭnikalny, histaryčny kantrakt dla ŭnikalnaha, histaryčnaha hulca», — havorycca ŭ zajavie jahonaha ahienta Neza Baleła.
Kantrakt Achtani źjaŭlajecca najbujniejšym u suśvietnaj spartyŭnaj historyi, pierasiahnuŭšy kantrakt Lijanela Miesi z «Barsiełonaj» na 674 miljony dalaraŭ u siezonie 2017/21. A taksama pieravyšaje kantrakt prykładna na 679 miljonaŭ dalaraŭ, jakija zarabiŭ by Kilijan Mbape, kali b vyrašyŭ zastacca ŭ PSŽ da 2025 hoda, ale, vidać, piarojdzie ŭ «Reał».
Što da paŭnočnaamierykanskich kamandnych vidaŭ sportu, to kantrakt pieraŭzychodzić 10-hadovaje padaŭžeńnie kantrakta hulca ŭ amierykanski futboł Patryka Machomiesa, jaki pierajšoŭ uletku 2020 hoda ŭ «Kanzas-Sici Čyfs» za 477 miljonaŭ dalaraŭ.
U biejsbole kantrakt Siochieja Achtani pieraŭzychodzić ciapier užo kantrakt byłoha tavaryša pa kamandzie Majka Trauta, jaki pahadziŭsia na 12-hadovaje padaŭžeńnie kantrakta z «Endžiełz» na 426,5 miljona dalaraŭ u 2019 hodzie.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna14
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary