«Nieviadoma, što ź im i ci žyvy jon uvohule». Biełaruskaja asacyjacyja advakataŭ pravoŭ čałavieka patrabuje spynić katavańni Maksima Znaka
Za kratami znachodzicca šeść advakataŭ.
«U niadzielu ŭ Biełarusi adznačaŭsia Dzień jurysta. Ciapierašnija časy nie spryjajuć śviatkavańniu. Asabliva prykra ad razumieńnia, što za kratami hety dzień pravodziać biełaruskija advakaty, asudžanyja pa palityčnych matyvach: Maksim Znak (asudžany na 10 hadoŭ), Alaksandr Danilevič (10 hadoŭ), Anastasija Łazarenka (šeść hadoŭ), Vital Brahiniec (vosiem hadoŭ), Alaksiej Barodka (šeść hadoŭ) i Julija Jurhilevič (šeść hadoŭ)», — paviedamlaje Biełaruskaja asacyjacyja advakataŭ pravoŭ čałavieka (BAAPČ).
Adnak asabliva jany źviarnuli ŭvahu ŭ hety dzień na Maksima Znaka.
«Maksim Znak nie atrymaje vinšavańni ad blizkich, pakolki jon ź lutaha 2023 biez anijakich zakonnych padstavaŭ pazbaŭleny dostupu da advakata, telefanavańnia i listavańnia navat ź blizkimi. Nieviadoma, što ź im i ci žyvy jon uvohule», — zaznačaje BAAPČ.
«Takoje stanovišča, kali asudžany tatalna pazbaŭleny suviazi sa źniešnim śvietam, nazyvajecca inkamunikada. U mižnarodnaj praktycy heta kvalifikujecca jak katavańni. Spynicie katavańnie Maksima Znaka!» — zaklikaje Biełaruskaja asacyjacyja advakataŭ pravoŭ čałavieka.
-
28‑hadovaj biełaruscy paśla žudasnaj avaryi ŭ Tajłandzie nie mohuć akazać dapamohu — niama patrebnaj kryvi
-
«Mnie kazali: ty z hłuzdu źjechaŭ, jaki pašpart, tut Kijeŭ mohuć uziać!» Biełarus raskazaŭ, jak zhubiŭ va Ukrainie dakumienty i try hady nie moh ź jaje vyjechać
-
U Dobrušy čałaviek dabiŭsia kampiensacyi ad haspadara aŭčarki, pa vinie jakoj jon straciŭ voka
28‑hadovaj biełaruscy paśla žudasnaj avaryi ŭ Tajłandzie nie mohuć akazać dapamohu — niama patrebnaj kryvi1
Kamientary