«Kumulatyŭny efiekt». Ministr adukacyi prahnazuje značnaje padaražeńnie navučańnia ŭ VNU
Ministr adukacyi Andrej Ivaniec anansavaŭ pavieličeńnie płaty za navučańnie ŭ vyšejšych navučalnych ustanovach Biełarusi.
«Dosyć doŭhi čas pavyšeńnie koštu navučańnia adbyvałasia vielmi pavolnymi tempami.
Naprykład, inflacyja i rost indeksa cen u minułym hodzie byli na ŭzroŭni 16%, nu i, adpaviedna, zarpłata padymałasia na ŭzroŭni nie mienš za hetuju adznaku, a košt navučańnia za minuły hod byŭ padniaty mienš čym na 7%.
Dadzienaja tendencyja strymlivańnia rostu nazirałasia na praciahu apošnich hadoŭ, i mienavita siońnia my majem svajho rodu nazapašany kumulatyŭny efiekt», — zajaviŭ Ivaniec.
Ciapier ministerstva raspracoŭvaje pavyšeńnie płaty za navučańnie ŭ VNU. «Vydatki štohod rastuć na 15-17%, my miarkujem, što za miežy hetaj sumy pavieličeńnie koštu nie vyjdzie», — kaža Ivaniec.
Ciapier studenty-płatniki padpisvajuć z VNU dadatkovaje pahadnieńnie. U siužecie ANT havorycca, što studentka BDU padpisała papieru, dzie poŭny košt navučańnia paznačany ŭ 15 tysiač rubloŭ na hod. Jana ž płaciła kala 5 tysiač rubloŭ. Ciapier jana baicca, što košt navučańnia budzie imknucca da hetaj sumy.
Hetym dadatkovym pahadnieńniem Minadukacyi choča pakazać studentam i ich baćkam, što jany nie całkam apłočvajuć navučańnie, a značyć, pavinny adpracoŭvać abaviazkovaje raźmierkavańnie, jakoje ciapier chočuć uvieści i dla płatnikaŭ.
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
"On biołoh i chimik, nikto nie skažiet, čto Łukašienko jeho taŝit za čto-to. I śpiecialisty, kotoryje jeho tiestirujut často, Akadiemii nauk hovoriat, čto on užie vuz zakončił. Jemu užie niečieho diełať v vuzie", – rasskazyvał priezidient v intierv́ju Vładimiru Sołov́jevu. (tochka.by)