Błohieraŭ abaviažuć uvajści ŭ rejestr raspaŭsiudžvalnikaŭ rekłamy
Błohieram, jakija štości rekłamujuć u sacsietkach, padobna, daviadziecca ŭklučacca ŭ śpiecyjalny rejestr. Navacyja vynikaje z prajekta zakona «Ab źmienie zakonaŭ pa pytańniach rekłamy». Ci tak heta nasamreč, Office Life spytaŭ u ekśpiertaŭ REVERA Belarus — viadučaha jurysta Dzianisa Valukieviča i jurysta Lizaviety Kałmykovaj.
Ekśpierty ŭdakładniajuć: akazańnie rekłamnych pasłuh biez uklučeńnia ŭ rejestr z 2022 hoda niezakonna pa ŭkazie № 426 «Ab raźmiaščeńni (raspaŭsiudžvańni) rekłamy».
Ale ŭ dakumiencie jość vyklučeńni, adno ź ich — raźmiaščeńnie rekłamy ŭ internecie, kali havorka nie idzie ab sietkavym vydańni.
Jurysty Revera Belarus źviartajuć uvahu, što prajekt zakona taksama praduhledžvaje vyklučeńni, pry jakich nie treba ŭklučacca ŭ rejestr, ale siarod ich užo niama raźmiaščeńnia rekłamy ŭ internecie.
Heta aznačaje, što kali prajekt budzie pryniaty, to błohieram i inšym asobam dla raźmiaščeńnia rekłamy na svaich miedyjapłatformach i ŭ sacyjalnych sietkach daviadziecca prajści praceduru ŭklučeńnia ŭ rejestr rekłamaraspaŭsiudžvalnikaŭ.
Paradak uklučeńnia ŭ rejestr rekłamaraspaŭsiudžvalnikaŭ, vierahodna, zastaniecca raniejšym. Dla hetaha treba budzie nakiravać apaviaščeńnie pa vyznačanaj formie ŭ MART.
Ihnaravańnie novych patrabavańniaŭ budzie źviazana ź istotnymi ryzykami: niezakonnaja dziejnaść moža paciahnuć nakładańnie štrafu z kanfiskacyjaj da 100% sumy atrymanaha dachodu.
Rejestr rekłamaraspaŭsiudžvalnikaŭ pracuje z 1 lutaha 2022 hoda. Ad uklučeńnia ŭ jaho na hety momant vyzvaleny taksama tyja, chto prapanuje rekłamu na transparcie abo praz telefonnuju, faksimilnuju, sotavuju suviaź, elektronnuju poštu, a taksama pry rekłamavańni ŭ miescach masavych mierapryjemstvaŭ, spabornictvaŭ i konkursaŭ.
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj11
Kamientary