Блогераў абавяжуць увайсці ў рэестр распаўсюджвальнікаў рэкламы
Блогерам, якія штосьці рэкламуюць у сацсетках, падобна, давядзецца ўключацца ў спецыяльны рэестр. Навацыя вынікае з праекта закона «Аб змене законаў па пытаннях рэкламы». Ці так гэта насамрэч, Office Life спытаў у экспертаў REVERA Belarus — вядучага юрыста Дзяніса Валюкевіча і юрыста Лізаветы Калмыковай.
Эксперты ўдакладняюць: аказанне рэкламных паслуг без уключэння ў рэестр з 2022 года незаконна па ўказе № 426 «Аб размяшчэнні (распаўсюджванні) рэкламы».
Але ў дакуменце ёсць выключэнні, адно з іх — размяшчэнне рэкламы ў інтэрнэце, калі гаворка не ідзе аб сеткавым выданні.
Юрысты Revera Belarus звяртаюць увагу, што праект закона таксама прадугледжвае выключэнні, пры якіх не трэба ўключацца ў рэестр, але сярод іх ужо няма размяшчэння рэкламы ў інтэрнэце.
Гэта азначае, што калі праект будзе прыняты, то блогерам і іншым асобам для размяшчэння рэкламы на сваіх медыяплатформах і ў сацыяльных сетках давядзецца прайсці працэдуру ўключэння ў рэестр рэкламараспаўсюджвальнікаў.
Парадак уключэння ў рэестр рэкламараспаўсюджвальнікаў, верагодна, застанецца ранейшым. Для гэтага трэба будзе накіраваць апавяшчэнне па вызначанай форме ў МАРТ.
Ігнараванне новых патрабаванняў будзе звязана з істотнымі рызыкамі: незаконная дзейнасць можа пацягнуць накладанне штрафу з канфіскацыяй да 100% сумы атрыманага даходу.
Рэестр рэкламараспаўсюджвальнікаў працуе з 1 лютага 2022 года. Ад уключэння ў яго на гэты момант вызвалены таксама тыя, хто прапануе рэкламу на транспарце або праз тэлефонную, факсімільную, сотавую сувязь, электронную пошту, а таксама пры рэкламаванні ў месцах масавых мерапрыемстваў, спаборніцтваў і конкурсаў.
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары